১৮১. …অনাদরিযং পটিচ্চ পাদুকারুল়্হস্স ধম্মং দেসেন্তো একং আপত্তিং আপজ্জতি। দুক্কটং…।
…অনাদরিযং পটিচ্চ উপাহনারুল়্হস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ যানগতস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ সযনগতস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ পল্লত্থিকায নিসিন্নস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ ৰেঠিতসীসস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ ওগুণ্ঠিতসীসস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ ছমাযং নিসীদিত্ৰা আসনে নিসিন্নস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ নীচে আসনে নিসীদিত্ৰা উচ্চে আসনে নিসিন্নস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ ঠিতো নিসিন্নস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ পচ্ছতো গচ্ছন্তো পুরতো গচ্ছন্তস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ উপ্পথেন গচ্ছন্তো পথেন গচ্ছন্তস্স ধম্মং দেসেন্তো একং আপত্তিং আপজ্জতি। দুক্কটং…। …অনাদরিযং পটিচ্চ ঠিতো উচ্চারং ৰা পস্সাৰং ৰা করোন্তো একং আপত্তিং আপজ্জতি। দুক্কটং…। …অনাদরিযং পটিচ্চ হরিতে উচ্চারং ৰা পস্সাৰং ৰা খেল়ং ৰা করোন্তো একং আপত্তিং আপজ্জতি। দুক্কটং…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তো কতি আপত্তিযো আপজ্জতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তো একং আপত্তিং আপজ্জতি। দুক্কটং – অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তো ইমং একং আপত্তিং আপজ্জতি। পাদুকৰগ্গো সত্তমো। সেখিযা নিট্ঠিতা। কতাপত্তিৰারো নিট্ঠিতো দুতিযো। ৩. ৰিপত্তিৰারো ১৮২. মেথুনং ধম্মং পটিসেৰন্তস্স আপত্তিযো চতুন্নং ৰিপত্তীনং কতি ৰিপত্তিযো ভজন্তি? মেথুনং ধম্মং পটিসেৰন্তস্স আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং, সিযা আচারৰিপত্তিং…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি চতুন্নং ৰিপত্তীনং কতি ৰিপত্তিযো ভজতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি চতুন্নং ৰিপত্তীনং একং ৰিপত্তিং ভজতি – আচারৰিপত্তিং। ৰিপত্তিৰারো নিট্ঠিতো ততিযো। ৪. সঙ্গহিতৰারো ১৮৩. মেথুনং ধম্মং পটিসেৰন্তস্স আপত্তিযো সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? মেথুনং ধম্মং পটিসেৰন্তস্স আপত্তিযো সত্তন্নং আপত্তিক্খন্ধানং তীহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা দুক্কটাপত্তিক্খন্ধেন…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি সত্তন্নং আপত্তিক্খন্ধানং একেন আপত্তিক্খন্ধেন সঙ্গহিতা – দুক্কটাপত্তিক্খন্ধেন। সঙ্গহিতৰারো নিট্ঠিতো চতুত্থো। ৫. সমুট্ঠানৰারো ১৮৪. মেথুনং ধম্মং পটিসেৰন্তস্স আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি [সমুট্ঠহন্তি (সী॰ স্যা॰)]? মেথুনং ধম্মং পটিসেৰন্তস্স আপত্তিযো ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো। সমুট্ঠানৰারো নিট্ঠিতো পঞ্চমো। ৬. অধিকরণৰারো ১৮৫. মেথুনং ধম্মং পটিসেৰন্তস্স আপত্তিযো চতুন্নং অধিকরণানং কতমং অধিকরণং? মেথুনং ধম্মং পটিসেৰন্তস্স আপত্তিযো চতুন্নং অধিকরণানং আপত্তাধিকরণং…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি চতুন্নং অধিকরণানং কতমং অধিকরণং? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি চতুন্নং অধিকরণানং আপত্তাধিকরণং। অধিকরণৰারো নিট্ঠিতো ছট্ঠো। ৭. সমথৰারো ১৮৬. মেথুনং ধম্মং পটিসেৰন্তস্স আপত্তিযো সত্তন্নং সমথানং কতিহি সমথেহি সম্মন্তি? মেথুনং ধম্মং পটিসেৰন্তস্স আপত্তিযো সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি সত্তন্নং সমথানং কতিহি সমথেহি সম্মতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তস্স আপত্তি সত্তন্নং সমথানং তীহি সমথেহি সম্মতি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ। সমথৰারো নিট্ঠিতো সত্তমো। ৮. সমুচ্চযৰারো ১৮৭. মেথুনং ধম্মং পটিসেৰন্তো কতি আপত্তিযো আপজ্জতি? মেথুনং ধম্মং পটিসেৰন্তো তিস্সো আপত্তিযো আপজ্জতি। অক্খাযিতে সরীরে মেথুনং ধম্মং পটিসেৰতি, আপত্তি পারাজিকস্স; যেভুয্যেন খাযিতে সরীরে মেথুনং ধম্মং পটিসেৰতি, আপত্তি থুল্লচ্চযস্স; ৰট্টকতে মুখে অচ্ছুপন্তং অঙ্গজাতং পৰেসেতি, আপত্তি দুক্কটস্স – মেথুনং ধম্মং পটিসেৰন্তো ইমা তিস্সো আপত্তিযো আপজ্জতি। তা আপত্তিযো চতুন্নং ৰিপত্তীনং কতি ৰিপত্তিযো ভজন্তি, সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা, ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি, চতুন্নং অধিকরণানং কতমং অধিকরণং, সত্তন্নং সমথানং কতিহি সমথেহি সম্মন্তি? তা আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং, সিযা আচারৰিপত্তিং। সত্তন্নং আপত্তিক্খন্ধানং তীহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা দুক্কটাপত্তিক্খন্ধেন। ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো। চতুন্নং অধিকরণানং, আপত্তাধিকরণং। সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তো কতি আপত্তিযো আপজ্জতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তো একং আপত্তিং আপজ্জতি। দুক্কটং – অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করোন্তো ইমং একং আপত্তিং আপজ্জতি। সা আপত্তি চতুন্নং ৰিপত্তীনং কতি ৰিপত্তিযো ভজতি, সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা, ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতি, চতুন্নং অধিকরণানং কতমং অধিকরণং, সত্তন্নং, সমথানং কতিহি সমথেহি সম্মতি? সা আপত্তি চতুন্নং ৰিপত্তীনং একং ৰিপত্তিং ভজতি – আচারৰিপত্তিং। সত্তন্নং আপত্তিক্খন্ধানং একেন আপত্তিক্খন্ধেন সঙ্গহিতা – দুক্কটাপত্তিক্খন্ধেন। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো। চতুন্নং অধিকরণানং, আপত্তাধিকরণং। সত্তন্নং সমথানং তীহি সমথেহি সম্মতি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ। সমুচ্চযৰারো নিট্ঠিতো অট্ঠমো। ইমে অট্ঠ ৰারা সজ্ঝাযমগ্গেন লিখিতা। তস্সুদ্দানং – কত্থপঞ্ঞত্তি কতি চ, ৰিপত্তিসঙ্গহেন চ। সমুট্ঠানাধিকরণা সমথো, সমুচ্চযেন চাতি॥ ১. কত্থপঞ্ঞত্তিৰারো ১. পারাজিককণ্ডং ১৮৮. যং তেন ভগৰতা জানতা পস্সতা অরহতা সম্মাসম্বুদ্ধেন মেথুনং ধম্মং পটিসেৰনপচ্চযা পারাজিকং কত্থ পঞ্ঞত্তং, কং আরব্ভ, কিস্মিং ৰত্থুস্মিং…পে॰… কেনাভতন্তি? যং তেন ভগৰতা জানতা পস্সতা অরহতা সম্মাসম্বুদ্ধেন মেথুনং ধম্মং পটিসেৰনপচ্চযা পারাজিকং কত্থ পঞ্ঞত্তন্তি? ৰেসালিযং পঞ্ঞত্তং। কং আরব্ভাতি? সুদিন্নং কলন্দপুত্তং আরব্ভ। কিস্মিং ৰত্থুস্মিন্তি? সুদিন্নো কলন্দপুত্তো পুরাণদুতিযিকায মেথুনং ধম্মং পটিসেৰি, তস্মিং ৰত্থুস্মিং। অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তীতি? একা পঞ্ঞত্তি, দ্ৰে অনুপঞ্ঞত্তিযো। অনুপ্পন্নপঞ্ঞত্তি তস্মিং নত্থি। সব্বত্থ পঞ্ঞত্তি, পদেসপঞ্ঞত্তীতি? সব্বত্থপঞ্ঞত্তি। সাধারণপঞ্ঞত্তি, অসাধারণপঞ্ঞত্তীতি? সাধারণপঞ্ঞত্তি। একতোপঞ্ঞত্তি, উভতোপঞ্ঞত্তীতি? উভতোপঞ্ঞত্তি। পঞ্চন্নং পাতিমোক্খুদ্দেসানং কত্থোগধং কত্থ পরিযাপন্নন্তি? নিদানোগধং নিদানপরিযাপন্নং। কতমেন উদ্দেসেন উদ্দেসং আগচ্ছতীতি? দুতিযেন উদ্দেসেন উদ্দেসং আগচ্ছতি। চতুন্নং ৰিপত্তীনং কতমা ৰিপত্তীতি? সীলৰিপত্তি। সত্তন্নং আপত্তিক্খন্ধানং কতমো আপত্তিক্খন্ধোতি? পারাজিকাপত্তিক্খন্ধো। ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো…পে॰… কেনাভতন্তি? পরম্পরাভতং – উপালি দাসকো চেৰ, সোণকো সিগ্গৰো তথা। মোগ্গলিপুত্তেন পঞ্চমা, এতে জম্বুসিরিৰ্হযে॥ …পে॰…। এতে নাগা মহাপঞ্ঞা, ৰিনযঞ্ঞূ মগ্গকোৰিদা। ৰিনযং দীপে পকাসেসুং, পিটকং তম্বপণ্ণিযাতি॥ ১৮৯. যং তেন ভগৰতা জানতা পস্সতা অরহতা সম্মাসম্বুদ্ধেন অদিন্নং আদিযনপচ্চযা পারাজিকং কত্থ পঞ্ঞত্তন্তি? রাজগহে পঞ্ঞত্তং। কং আরব্ভাতি? ধনিযং কুম্ভকারপুত্তং আরব্ভ। কিস্মিং ৰত্থুস্মিন্তি? ধনিযো কুম্ভকারপুত্তো রঞ্ঞো দারূনি অদিন্নং আদিযি, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি – সিযা কাযতো চ চিত্ততো চ সমুট্ঠাতি, ন ৰাচতো; সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। ১৯০. সঞ্চিচ্চ মনুস্সৰিগ্গহং জীৰিতা ৰোরোপনপচ্চযা পারাজিকং কত্থ পঞ্ঞত্তন্তি? ৰেসালিযং পঞ্ঞত্তং। কং আরব্ভাতি? সম্বহুলে ভিক্খূ আরব্ভ। কিস্মিং ৰত্থুস্মিন্তি? সম্বহুলা ভিক্খূ অঞ্ঞমঞ্ঞং জীৰিতা ৰোরোপেসুং, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি – সিযা কাযতো চ চিত্ততো চ সমুট্ঠাতি, ন ৰাচতো; সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। ১৯১. অসন্তং অভূতং উত্তরিমনুস্সধম্মং উল্লপনপচ্চযা পারাজিকং কত্থ পঞ্ঞত্তন্তি? ৰেসালিযং পঞ্ঞত্তং। কং আরব্ভাতি? ৰগ্গুমুদাতীরিযে ভিক্খূ আরব্ভ। কিস্মিং ৰত্থুস্মিন্তি? ৰগ্গুমুদাতীরিযা ভিক্খূ গিহীনং অঞ্ঞমঞ্ঞস্স উত্তরিমনুস্সধম্মস্স ৰণ্ণং ভাসিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি – সিযা কাযতো চ চিত্ততো চ সমুট্ঠাতি, ন ৰাচতো; সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। চত্তারো পারাজিকা নিট্ঠিতা। ২. সঙ্ঘাদিসেসকণ্ডাদি ১৯২. যং তেন ভগৰতা জানতা পস্সতা অরহতা সম্মাসম্বুদ্ধেন উপক্কমিত্ৰাঅসুচিং মোচনপচ্চযা সঙ্ঘাদিসেসো কত্থ পঞ্ঞত্তো, কং আরব্ভ, কিস্মিং ৰত্থুস্মিং…পে॰… কেনাভতন্তি? যং তেন ভগৰতা জানতা পস্সতা অরহতা সম্মাসম্বুদ্ধেন উপক্কমিত্ৰা অসুচিং মোচনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? আযস্মন্তং সেয্যসকং আরব্ভ। কিস্মিং ৰত্থুস্মিন্তি? আযস্মা সেয্যসকো উপক্কমিত্ৰা অসুচিং মোচেসি, তস্মিং ৰত্থুস্মিং। অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তীতি? একা পঞ্ঞত্তি, একা অনুপঞ্ঞত্তি। অনুপ্পন্নপঞ্ঞত্তি তস্মিং নত্থি। সব্বত্থপঞ্ঞত্তি, পদেসপঞ্ঞত্তীতি? সব্বত্থপঞ্ঞত্তি। সাধারণপঞ্ঞত্তি, অসাধারণপঞ্ঞত্তীতি? অসাধারণপঞ্ঞত্তি। একতোপঞ্ঞত্তি, উভতোপঞ্ঞত্তীতি? একতোপঞ্ঞত্তি। পঞ্চন্নং পাতিমোক্খুদ্দেসানং কত্থোগধং কত্থ পরিযাপন্নন্তি? নিদানোগধং নিদানপরিযাপন্নং। কতমেন উদ্দেসেন উদ্দেসং আগচ্ছতীতি? ততিযেন উদ্দেসেন উদ্দেসং আগচ্ছতি। চতুন্নং ৰিপত্তীনং কতমা ৰিপত্তীতি? সীলৰিপত্তি। সত্তন্নং আপত্তিক্খন্ধানং কতমো আপত্তিক্খন্ধোতি? সঙ্ঘাদিসেসাপত্তিক্খন্ধো। ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো…পে॰… কেনাভতন্তি? পরম্পরাভতং – উপালি দাসকো চেৰ, সোণকো সিগ্গৰো তথা। মোগ্গলিপুত্তেন পঞ্চমা, এতে জম্বুসিরিৰ্হযে॥ …পে॰…। এতে নাগা মহাপঞ্ঞা, ৰিনযঞ্ঞূ মগ্গকোৰিদা। ৰিনযং দীপে পকাসেসুং, পিটকং তম্বপণ্ণিযাতি॥ মাতুগামেন সদ্ধিং কাযসংসগ্গং সমাপজ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? আযস্মন্তং উদাযিং আরব্ভ। কিস্মিং ৰত্থুস্মিন্তি? আযস্মা উদাযী মাতুগামেন সদ্ধিং কাযসংসগ্গং সমাপজ্জি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো…পে॰…। মাতুগামং দুট্ঠুল্লাহি ৰাচাহি ওভাসনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? আযস্মন্তং উদাযিং আরব্ভ। কিস্মিং ৰত্থুস্মিন্তি? আযস্মা উদাযী মাতুগামং দুট্ঠুল্লাহি ৰাচাহি ওভাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি – সিযা কাযতো চ চিত্ততো চ সমুট্ঠাতি, ন ৰাচতো; সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। মাতুগামস্স সন্তিকে অত্তকামপারিচরিযায ৰণ্ণং ভাসনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? আযস্মন্তং উদাযিং আরব্ভ। কিস্মিং ৰত্থুস্মিন্তি? আযস্মা উদাযী মাতুগামস্স সন্তিকে অত্তকামপারিচরিযায ৰণ্ণং ভাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। সঞ্চরিত্তং সমাপজ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? আযস্মন্তং উদাযিং আরব্ভ। কিস্মিং ৰত্থুস্মিন্তি? আযস্মা উদাযী সঞ্চরিত্তং সমাপজ্জি, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি – সিযা কাযতো সমুট্ঠাতি, ন ৰাচতো ন চিত্ততো; সিযা ৰাচতো সমুট্ঠাতি, ন কাযতো ন চিত্ততো; সিযা কাযতো চ ৰাচতো চ সমুট্ঠাতি, ন চিত্ততো; সিযা কাযতো চ চিত্ততো চ সমুট্ঠাতি, ন ৰাচতো; সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। সঞ্ঞাচিকায কুটিং কারাপনপচ্চযা সঙ্ঘাদিসেসো কত্থ পঞ্ঞত্তোতি ? আল়ৰিযং পঞ্ঞত্তো। কং আরব্ভাতি? আল়ৰকে ভিক্খূ আরব্ভ। কিস্মিং ৰত্থুস্মিন্তি? আল়ৰকা ভিক্খূ সঞ্ঞাচিকায কুটিযো কারাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। মহল্লকং ৰিহারং কারাপনপচ্চযা সঙ্ঘাদিসেসো কত্থ পঞ্ঞত্তোতি? কোসম্বিযং পঞ্ঞত্তো। কং আরব্ভাতি? আযস্মন্তং ছন্নং আরব্ভ। কিস্মিং ৰত্থুস্মিন্তি? আযস্মা ছন্নো ৰিহারৰত্থুং সোধেন্তো অঞ্ঞতরং চেতিযরুক্খং ছেদাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। ভিক্খুং অমূলকেন পারাজিকেন ধম্মেন অনুদ্ধংসনপচ্চযা সঙ্ঘাদিসেসো কত্থ পঞ্ঞত্তোতি? রাজগহে পঞ্ঞত্তো। কং আরব্ভাতি? মেত্তিযভূমজকে ভিক্খূ আরব্ভ। কিস্মিং ৰত্থুস্মিন্তি? মেত্তিযভূমজকা ভিক্খূ আযস্মন্তং দব্বং মল্লপুত্তং অমূলকেন পারাজিকেন ধম্মেন অনুদ্ধংসেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। ভিক্খুং অঞ্ঞভাগিযস্স অধিকরণস্স কিঞ্চিদেসং লেসমত্তং উপাদায পারাজিকেন ধম্মেন অনুদ্ধংসনপচ্চযা সঙ্ঘাদিসেসো কত্থ পঞ্ঞত্তোতি? রাজগহে পঞ্ঞত্তো। কং আরব্ভাতি? মেত্তিযভূমজকে ভিক্খূ আরব্ভ। কিস্মিং ৰত্থুস্মিন্তি? মেত্তিযভূমজকা ভিক্খূ আযস্মন্তং দব্বং মল্লপুত্তং অঞ্ঞভাগিযস্স অধিকরণস্স কিঞ্চি দেসং লেসমত্তং উপাদায পারাজিকেন ধম্মেন অনুদ্ধংসেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। সঙ্ঘভেদকস্স ভিক্খুনো যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? রাজগহে পঞ্ঞত্তো। কং আরব্ভাতি? দেৰদত্তং আরব্ভ। কিস্মিং ৰত্থুস্মিন্তি? দেৰদত্তো সমগ্গস্স সঙ্ঘস্স ভেদায পরক্কমি, তস্মিংৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৰাচতো চ চিত্ততো চ সমুট্ঠাতি…পে॰…। ভেদকানুৰত্তকানং ভিক্খূনং যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? রাজগহে পঞ্ঞত্তো। কং আরব্ভাতি? সম্বহুলে ভিক্খূ আরব্ভ। কিস্মিং ৰত্থুস্মিন্তি? সম্বহুলা ভিক্খূ দেৰদত্তস্স সঙ্ঘভেদায পরক্কমন্তস্স অনুৰত্তকা অহেসুং ৰগ্গৰাদকা, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একে সমুট্ঠানেন সমুট্ঠাতি – কাযতো চ ৰাচতো চ চিত্ততো চ সমুট্ঠাতি…পে॰…। দুব্বচস্স ভিক্খুনো যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? কোসম্বিযং পঞ্ঞত্তো। কং আরব্ভাতি? আযস্মন্তং ছন্নং আরব্ভ। কিস্মিং ৰত্থুস্মিন্তি? আযস্মা ছন্নো ভিক্খূহি সহধম্মিকং ৰুচ্চমানো অত্তানং অৰচনীযং অকাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৰাচতো চ চিত্ততো চ সমুট্ঠাতি…পে॰…। কুলদূসকস্স ভিক্খুনো যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? অস্সজিপুনব্বসুকে ভিক্খূ আরব্ভ। কিস্মিং ৰত্থুস্মিন্তি? অস্সজিপুনব্বসুকা ভিক্খূ সঙ্ঘেন পব্বাজনীযকম্মকতা ভিক্খূ ছন্দগামিতা দোসগামিতা মোহগামিতা ভযগামিতা পাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৰাচতো চ চিত্ততো চ সমুট্ঠাতি…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা দুক্কটং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযে ভিক্খূ আরব্ভ। কিস্মিং ৰত্থুস্মিন্তি? ছব্বগ্গিযা ভিক্খূ উদকে উচ্চারম্পি পস্সাৰম্পি খেল়ম্পি অকংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো…পে॰…। কত্থপঞ্ঞত্তিৰারো নিট্ঠিতো পঠমো। ২. কতাপত্তিৰারো ১. পারাজিককণ্ডং ১৯৩. মেথুনং ধম্মং পটিসেৰনপচ্চযা কতি আপত্তিযো আপজ্জতি ? মেথুনং ধম্মং পটিসেৰনপচ্চযা চতস্সো আপত্তিযো আপজ্জতি – অক্খাযিতে সরীরে মেথুনং ধম্মং পটিসেৰতি, আপত্তি পারাজিকস্স; যেভুয্যেন খাযিতে সরীরে মেথুনং ধম্মং পটিসেৰতি, আপত্তি থুল্লচ্চযস্স ; ৰট্টকতে মুখে অচ্ছুপন্তং অঙ্গজাতং পৰেসেতি, আপত্তি দুক্কটস্স; জতুমট্ঠকে পাচিত্তিযং – মেথুনং ধম্মং পটিসেৰনপচ্চযা ইমা চতস্সো আপত্তিযো আপজ্জতি। অদিন্নং আদিযনপচ্চযা কতি আপত্তিযো আপজ্জতি? অদিন্নং আদিযনপচ্চযা তিস্সো আপত্তিযো আপজ্জতি। পঞ্চমাসকং ৰা অতিরেকপঞ্চমাসকং ৰা অগ্ঘনকং অদিন্নং থেয্যসঙ্খাতং আদিযতি, আপত্তি পারাজিকস্স; অতিরেকমাসকং ৰা ঊনপঞ্চমাসকং ৰা অগ্ঘনকং অদিন্নং থেয্যসঙ্খাতং আদিযতি, আপত্তি থুল্লচ্চযস্স; মাসকং ৰা ঊনমাসকং ৰা অগ্ঘনকং অদিন্নং থেয্যসঙ্খাতং আদিযতি, আপত্তি দুক্কটস্স – অদিন্নং আদিযনপচ্চযা ইমা তিস্সো আপত্তিযো আপজ্জতি। সঞ্চিচ্চ মনুস্সৰিগ্গহং জীৰিতা ৰোরোপনপচ্চযা কতি আপত্তিযো আপজ্জতি? সঞ্চিচ্চ মনুস্সৰিগ্গহং জীৰিতা ৰোরোপনপচ্চযা তিস্সো আপত্তিযো আপজ্জতি। মনুস্সং ওদিস্স ওপাতং খণতি ‘‘পপতিত্ৰা মরিস্সতী’’তি, আপত্তি দুক্কটস্স; পপতিতে দুক্খা ৰেদনা উপ্পজ্জতি, আপত্তি থুল্লচ্চযস্স; মরতি, আপত্তি পারাজিকস্স – সঞ্চিচ্চ মনুস্সৰিগ্গহং জীৰিতা ৰোরোপনপচ্চযা ইমা তিস্সো আপত্তিযো আপজ্জতি। অসন্তং অভূতং উত্তরিমনুস্সধম্মং উল্লপনপচ্চযা কতি আপত্তিযো আপজ্জতি? অসন্তং অভূতং উত্তরিমনুস্সধম্মং উল্লপনপচ্চযা তিস্সো আপত্তিযো আপজ্জতি – পাপিচ্ছো ইচ্ছাপকতো অসন্তং অভূতং উত্তরিমনুস্সধম্মং উল্লপতি, আপত্তি পারাজিকস্স, ‘‘যো তে ৰিহারে ৰসতি সো ভিক্খু অরহা’’তি ভণতি, পটিৰিজানন্তস্স আপত্তি থুল্লচ্চযস্স; ন পটিৰিজানন্তস্স আপত্তি দুক্কটস্স – অসন্তং অভূতং উত্তরিমনুস্সধম্মং উল্লপনপচ্চযা ইমা তিস্সো আপত্তিযো আপজ্জতি। চত্তারো পারাজিকা নিট্ঠিতা। ২. সঙ্ঘাদিসেসকণ্ডাদি ১৯৪. উপক্কমিত্ৰা অসুচিং মোচনপচ্চযা কতি আপত্তিযো আপজ্জতি? উপক্কমিত্ৰা অসুচিমোচনপচ্চযা তিস্সো আপত্তিযো আপজ্জতি – চেতেতি উপক্কমতি মুচ্চতি, আপত্তি সঙ্ঘাদিসেসস্স; চেতেতি উপক্কমতি ন মুচ্চতি, আপত্তি থুল্লচ্চযস্স; পযোগে দুক্কটং – উপক্কমিত্ৰা অসুচিমোচনপচ্চযা ইমা তিস্সো আপত্তিযো আপজ্জতি। কাযসংসগ্গং সমাপজ্জনপচ্চযা কতি আপত্তিযো আপজ্জতি? কাযসংসগ্গং সমাপজ্জনপচ্চযা পঞ্চ আপত্তিযো আপজ্জতি – অৰস্সুতা ভিক্খুনী অৰস্সুতস্স পুরিসপুগ্গলস্স অধক্খকং উব্ভজাণুমণ্ডলং গহণং সাদিযতি, আপত্তি পারাজিকস্স; ভিক্খু কাযেন কাযং আমসতি, আপত্তি সঙ্ঘাদিসেসস্স; কাযেন কাযপটিবদ্ধং আমসতি, আপত্তি থুল্লচ্চযস্স; কাযপটিবদ্ধেন কাযপটিবদ্ধং আমসতি, আপত্তি দুক্কটস্স; অঙ্গুলিপতোদকে পাচিত্তিযং – কাযসংসগ্গং সমাপজ্জনপচ্চযা ইমা পঞ্চ আপত্তিযো আপজ্জতি। মাতুগামং দুট্ঠুল্লাহি ৰাচাহি ওভাসনপচ্চযা তিস্সো আপত্তিযো আপজ্জতি – ৰচ্চমগ্গং পস্সাৰমগ্গং আদিস্স ৰণ্ণম্পি ভণতি অৰণ্ণম্পি ভণতি, আপত্তি সঙ্ঘাদিসেসস্স; ৰচ্চমগ্গং পস্সাৰমগ্গং ঠপেত্ৰা অধক্খকং উব্ভজাণুমণ্ডলং আদিস্স ৰণ্ণম্পি ভণতি অৰণ্ণম্পি ভণতি, আপত্তি থুল্লচ্চযস্স; কাযপটিবদ্ধং আদিস্স ৰণ্ণম্পি ভণতি অৰণ্ণম্পি ভণতি, আপত্তি দুক্কটস্স। অত্তকামপারিচরিযায ৰণ্ণং ভাসনপচ্চযা তিস্সো আপত্তিযো আপজ্জতি – মাতুগামস্স সন্তিকে অত্তকামপারিচরিযায ৰণ্ণং ভাসতি, আপত্তি সঙ্ঘাদিসেসস্স; পণ্ডকস্স সন্তিকে অত্তকামপারিচরিযায ৰণ্ণং ভাসতি, আপত্তি থুল্লচ্চযস্স; তিরচ্ছানগতস্স সন্তিকে অত্তকামপারিচরিযায ৰণ্ণং ভাসতি, আপত্তি দুক্কটস্স। সঞ্চরিত্তং সমাপজ্জনপচ্চযা তিস্সো আপত্তিযো আপজ্জতি – পটিগ্গণ্হাতি ৰীমংসতি পচ্চাহরতি, আপত্তি সঙ্ঘাদিসেসস্স; পটিগ্গণ্হাতি ৰীমংসতি ন পচ্চাহরতি, আপত্তি থুল্লচ্চযস্স; পটিগ্গণ্হাতি ন ৰীমংসতি ন পচ্চাহরতি, আপত্তি দুক্কটস্স। সঞ্ঞাচিকায কুটিং কারাপনপচ্চযা তিস্সো আপত্তিযো আপজ্জতি – কারাপেতি, পযোগে দুক্কটং; একং পিণ্ডং [একপিণ্ডে (স্যা॰)] অনাগতে আপত্তি থুল্লচ্চযস্স; তস্মিং পিণ্ডে আগতে আপত্তি সঙ্ঘাদিসেসস্স। মহল্লকং ৰিহারং কারাপনপচ্চযা তিস্সো আপত্তিযো আপজ্জতি – কারাপেতি, পযোগে দুক্কটং; একং পিণ্ডং অনাগতে, আপত্তি থুল্লচ্চযস্স; তস্মিং পিণ্ডে আগতে আপত্তি সঙ্ঘাদিসেসস্স। ভিক্খুং অমূলকেন পারাজিকেন ধম্মেন অনুদ্ধংসনপচ্চযা তিস্সো আপত্তিযো আপজ্জতি – অনোকাসং কারাপেত্ৰা চাৰনাধিপ্পাযো ৰদেতি, আপত্তি সঙ্ঘাদিসেসেন দুক্কটস্স; ওকাসং কারাপেত্ৰা অক্কোসাধিপ্পাযো ৰদেতি, আপত্তি ওমসৰাদস্স। ভিক্খুং অঞ্ঞভাগিযস্স অধিকরণস্স কিঞ্চি দেসং লেসমত্তং উপাদায পারাজিকেন ধম্মেন অনুদ্ধংসনপচ্চযা তিস্সো আপত্তিযো আপজ্জতি – অনোকাসং কারাপেত্ৰা চাৰনাধিপ্পাযো ৰদেতি, আপত্তি সঙ্ঘাদিসেসেন দুক্কটস্স; ওকাসং কারাপেত্ৰা অক্কোসাধিপ্পাযো ৰদেতি, আপত্তি ওমসৰাদস্স। সঙ্ঘভেদকো ভিক্খু যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি – ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। ভেদকানুৰত্তকা ভিক্খূ যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি – ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। দুব্বচো ভিক্খু যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি – ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। কুলদূসকো ভিক্খু যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি – ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা কতি আপত্তিযো আপজ্জতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা একং আপত্তিং আপজ্জতি। দুক্কটং – অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা ইমং একং আপত্তিং আপজ্জতি। কতাপত্তিৰারো নিট্ঠিতো দুতিযো। ৩. ৰিপত্তিৰারো ১৯৫. মেথুনং ধম্মং পটিসেৰনপচ্চযা আপত্তিযো চতুন্নং ৰিপত্তীনং কতি ৰিপত্তিযো ভজন্তি? মেথুনং ধম্মং পটিসেৰনপচ্চযা আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং সিযা আচারৰিপত্তিং…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি চতুন্নং ৰিপত্তীনং কতি ৰিপত্তিযো ভজতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি চতুন্নং ৰিপত্তীনং একং ৰিপত্তিং ভজতি – আচারৰিপত্তিং। ৰিপত্তিৰারো নিট্ঠিতো ততিযো। ৪. সঙ্গহিতৰারো ১৯৬. মেথুনং ধম্মং পটিসেৰনপচ্চযা আপত্তিযো সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? মেথুনং ধম্মং পটিসেৰনপচ্চযা আপত্তিযো সত্তন্নং আপত্তিক্খন্ধানং চতূহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা পাচিত্তিযাপত্তিক্খন্ধেন, সিযা দুক্কটাপত্তিক্খন্ধেন…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি সত্তন্নং আপত্তিক্খন্ধানং একেন আপত্তিক্খন্ধেন সঙ্গহিতা – দুক্কটাপত্তিক্খন্ধেন। সঙ্গহিতৰারো নিট্ঠিতো চতুত্থো। ৫. সমুট্ঠানৰারো ১৯৭. মেথুনং ধম্মং পটিসেৰনপচ্চযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? মেথুনং ধম্মং পটিসেৰনপচ্চযা আপত্তিযো ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো…পে॰…। সমুট্ঠানৰারো নিট্ঠিতো পঞ্চমো। ৬. অধিকরণৰারো ১৯৮. মেথুনং ধম্মং পটিসেৰনপচ্চযা আপত্তিযো চতুন্নং অধিকরণানং কতমং অধিকরণং? মেথুনং ধম্মং পটিসেৰনপচ্চযা আপত্তিযো চতুন্নং অধিকরণানং আপত্তাধিকরণং…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি চতুন্নং অধিকরণানং কতমং অধিকরণং? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি চতুন্নং অধিকরণানং আপত্তাধিকরণং। অধিকরণৰারো নিট্ঠিতো ছট্ঠো। ৭. সমথৰারো ১৯৯. মেথুনং ধম্মং পটিসেৰনপচ্চযা আপত্তিযো সত্তন্নং সমথানং কতিহি সমথেহি সম্মন্তি? মেথুনং ধম্মং পটিসেৰনপচ্চযা আপত্তিযো সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ; সিযা সম্মুখাৰিনযেন তিণৰত্থারকেন চ…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি সত্তন্নং সমথানং কতিহি সমথেহি সম্মতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা আপত্তি সত্তন্নং সমথানং তীহি সমথেহি সম্মতি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চাতি। সমথৰারো নিট্ঠিতো সত্তমো। ৮. সমুচ্চযৰারো ২০০. মেথুনং ধম্মং পটিসেৰনপচ্চযা কতি আপত্তিযো আপজ্জতি? মেথুনং ধম্মং পটিসেৰনপচ্চযা চতস্সো আপত্তিযো আপজ্জতি। অক্খাযিতে সরীরে মেথুনং ধম্মং পটিসেৰতি, আপত্তি পারাজিকস্স; যেভুয্যেন খাযিতে সরীরে মেথুনং ধম্মং পটিসেৰতি, আপত্তি থুল্লচ্চযস্স; ৰট্টকতে মুখে অচ্ছুপন্তং অঙ্গজাতং পৰেসেতি, আপত্তি দুক্কটস্স; জতুমট্ঠকে পাচিত্তিযং – মেথুনং ধম্মং পটিসেৰনপচ্চযা ইমা চতস্সো আপত্তিযো আপজ্জতি। তা আপত্তিযো চতুন্নং ৰিপত্তীনং কতি ৰিপত্তিযো ভজন্তি? সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? চতুন্নং অধিকরণানং কতমং অধিকরণং? সত্তন্নং সমথানং কতিহি সমথেহি সম্মন্তি? তা আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং সিযা আচারৰিপত্তিং। সত্তন্নং আপত্তিক্খন্ধানং চতূহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা পাচিত্তিযাপত্তিক্খন্ধেন, সিযা দুক্কটাপত্তিক্খন্ধেন। ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো। চতুন্নং অধিকরণানং, আপত্তাধিকরণং। সত্তন্নং সমথানং, তীহি সমথেহি সম্মন্তি – সিযা সম্মুখাৰিনযেন চ, পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ…পে॰…। অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা কতি আপত্তিযো আপজ্জতি? অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা একং আপত্তিং আপজ্জতি। দুক্কটং – অনাদরিযং পটিচ্চ উদকে উচ্চারং ৰা পস্সাৰং ৰা খেল়ং ৰা করণপচ্চযা ইমং একং আপত্তিং আপজ্জতি। সা আপত্তি চতুন্নং ৰিপত্তীনং কতি ৰিপত্তিযো ভজতি? সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতি? চতুন্নং অধিকরণানং কতমং অধিকরণং? সত্তন্নং সমথানং কতিহি সমথেহি সম্মতি? সা আপত্তি চতুন্নং ৰিপত্তীনং একং ৰিপত্তিং ভজতি – আচারৰিপত্তিং। সত্তন্নং আপত্তিক্খন্ধানং একেন আপত্তিক্খন্ধেন সঙ্গহিতা – দুক্কটাপত্তিক্খন্ধেন। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো। চতুন্নং অধিকরণানং, আপত্তাধিকরণং। সত্তন্নং সমথানং তীহি সমথেহি সম্মতি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চাতি। সমুচ্চযৰারো নিট্ঠিতো অট্ঠমো। অট্ঠপচ্চযৰারা নিট্ঠিতা। মহাৰিভঙ্গে সোল়সমহাৰারা নিট্ঠিতা। ভিক্খুৰিভঙ্গমহাৰারো নিট্ঠিতো। ভিক্খুনীৰিভঙ্গো ১. কত্থপঞ্ঞত্তিৰারো ১. পারাজিককণ্ডং ২০১. যং তেন ভগৰতা জানতা পস্সতা অরহতা সম্মাসম্বুদ্ধেন ভিক্খুনীনং পঞ্চমং পারাজিকং কত্থ পঞ্ঞত্তং? কং আরব্ভ? কিস্মিং ৰত্থুস্মিং? অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তি? সব্বত্থপঞ্ঞত্তি, পদেসপঞ্ঞত্তি? সাধারণপঞ্ঞত্তি, অসাধারণপঞ্ঞত্তি? একতোপঞ্ঞত্তি, উভতোপঞ্ঞত্তি? চতুন্নং পাতিমোক্খুদ্দেসানং কত্থোগধং কত্থ পরিযাপন্নং? কতমেন উদ্দেসেন উদ্দেসং আগচ্ছতি? চতুন্নং ৰিপত্তীনং কতমা ৰিপত্তি? সত্তন্নং আপত্তিক্খন্ধানং কতমো আপত্তিক্খন্ধো? ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতি? চতুন্নং অধিকরণানং কতমং অধিকরণং? সত্তন্নং সমথানং কতিহি সমথেহি সম্মতি? কো তত্থ ৰিনযো? কো তত্থ অভিৰিনযো? কিং তত্থ পাতিমোক্খং? কিং তত্থ অধিপাতিমোক্খং? কা ৰিপত্তি? কা সম্পত্তি? কা পটিপত্তি? কতি অত্থৰসে পটিচ্চ ভগৰতা ভিক্খুনীনং পঞ্চমং পারাজিকং পঞ্ঞত্তং? কা সিক্খন্তি? কা সিক্খিতসিক্খা? কত্থ ঠিতং? কা ধারেন্তি? কস্স ৰচনং? কেনাভতন্তি? ২০২. যং তেন ভগৰতা জানতা পস্সতা অরহতা সম্মাসম্বুদ্ধেন ভিক্খুনীনং পঞ্চমং পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সুন্দরীনন্দং ভিক্খুনিং আরব্ভ। কিস্মিং ৰত্থুস্মিন্তি? সুন্দরীনন্দা ভিক্খুনী অৰস্সুতা অৰস্সুতস্স পুরিসপুগ্গলস্স কাযসংসগ্গং সাদিযি, তস্মিং ৰত্থুস্মিং। অত্থি তত্থ পঞ্ঞত্তি অনুপঞ্ঞত্তি অনুপ্পন্নপঞ্ঞত্তীতি? একা পঞ্ঞত্তি। অনুপঞ্ঞত্তি অনুপ্পন্নপঞ্ঞত্তি তস্মিং নত্থি। সব্বত্থপঞ্ঞত্তি , পদেসপঞ্ঞত্তীতি? সব্বত্থপঞ্ঞত্তি। সাধারণপঞ্ঞত্তি, অসাধারণপঞ্ঞত্তীতি? অসাধারণপঞ্ঞত্তি। একতোপঞ্ঞত্তি, উভতোপঞ্ঞত্তীতি? একতোপঞ্ঞত্তি। চতুন্নং পাতিমোক্খুদ্দেসানং কত্থোগধং কত্থ পরিযাপন্নন্তি? নিদানোগধং নিদানপরিযাপন্নং। কতমেন উদ্দেসেন উদ্দেসং আগচ্ছতীতি? দুতিযেন উদ্দেসেন উদ্দেসং আগচ্ছতি। চতুন্নং ৰিপত্তীনং কতমা ৰিপত্তীতি? সীলৰিপত্তি। সত্তন্নং আপত্তিক্খন্ধানং কতমো আপত্তিক্খন্ধোতি? পারাজিকাপত্তিক্খন্ধো। ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? একেন সমুট্ঠানে সমুট্ঠাতি – কাযতো চ চিত্ততো চ সমুট্ঠাতি, ন ৰাচতো। চতুন্নং অধিকরণানং কতমং অধিকরণন্তি? আপত্তাধিকরণং? সত্তন্নং সমথানং কতিহি সমথেহি সম্মতীতি? দ্ৰীহি সমথেহি সম্মতি – সম্মুখাৰিনযেন চ পটিঞ্ঞাতকরণেন চ। কো তত্থ ৰিনযো, কো তত্থ অভিৰিনযোতি? পঞ্ঞত্তি ৰিনযো, ৰিভত্তি অভিৰিনযো। কিং তত্থ পাতিমোক্খং, কিং তত্থ অধিপাতিমোক্খন্তি? পঞ্ঞত্তি পাতিমোক্খং, ৰিভত্তি অধিপাতিমোক্খং। কা ৰিপত্তীতি? অসংৰরো ৰিপত্তি। কা সম্পত্তীতি ? সংৰরো সম্পত্তি। কা পটিপত্তীতি? ন এৰরূপং করিস্সামীতি যাৰজীৰং আপাণকোটিকং সমাদায সিক্খতি সিক্খাপদেসু। [অ॰ নি॰ ১০.৩১] কতি অত্থৰসে পটিচ্চ ভগৰতা ভিক্খুনীনং পঞ্চমং পারাজিকং পঞ্ঞত্তন্তি? দস অত্থৰসে পটিচ্চ ভগৰতা ভিক্খুনীনং পঞ্চমং পারাজিকং পঞ্ঞত্তং – সঙ্ঘসুট্ঠুতায, সঙ্ঘফাসুতায, দুম্মঙ্কূনং ভিক্খুনীনং নিগ্গহায, পেসলানং ভিক্খুনীনং ফাসুৰিহারায, দিট্ঠধম্মিকানং আসৰানং সংৰরায, সম্পরাযিকানং আসৰানং পটিঘাতায, অপ্পসন্নানং পসাদায, পসন্নানং ভিয্যোভাৰায, সদ্ধম্মট্ঠিতিযা, ৰিনযানুগ্গহায। কা সিক্খন্তীতি? সেক্খা চ পুথুজ্জনকল্যাণিকা চ সিক্খন্তি। কা সিক্খিতসিক্খাতি? অরহন্তিযো [অরহন্তা (ক॰)] সিক্খিতসিক্খা। কত্থ ঠিতন্তি? সিক্খাকামাসু ঠিতং। কা ধারেন্তীতি? যাসং ৰত্ততি তা ধারেন্তি। কস্স ৰচনন্তি? ভগৰতো ৰচনং অরহতো সম্মাসম্বুদ্ধস্স। কেনাভতন্তি? পরম্পরাভতং – উপালি দাসকো চেৰ, সোণকো সিগ্গৰো তথা। মোগ্গলিপুত্তেন পঞ্চমা, এতে জম্বুসিরিৰ্হযে॥ ততো মহিন্দো ইট্টিযো, উত্তিযো সম্বলো তথা। ভদ্দনামো চ পণ্ডিতো॥ এতে নাগা মহাপঞ্ঞা, জম্বুদীপা ইধাগতা। ৰিনযং তে ৰাচযিংসু, পিটকং তম্বপণ্ণিযা॥ নিকাযে পঞ্চ ৰাচেসুং, সত্ত চেৰ পকরণে। ততো অরিট্ঠো মেধাৰী, তিস্সদত্তো চ পণ্ডিতো॥ ৰিসারদো কাল়সুমনো, থেরো চ দীঘনামকো। দীঘসুমনো চ পণ্ডিতো॥ পুনদেৰ কাল়সুমনো, নাগত্থেরো চ বুদ্ধরক্খিতো। তিস্সত্থেরো চ মেধাৰী, দেৰত্থেরো চ পণ্ডিতো॥ পুনদেৰ সুমনো মেধাৰী, ৰিনযে চ ৰিসারদো। বহুস্সুতো চূল়নাগো, গজোৰ দুপ্পধংসিযো॥ ধম্মপালিতনামো চ, রোহণে সাধুপূজিতো। তস্স সিস্সো মহাপঞ্ঞো, খেমনামো তিপেটকো॥ দীপে তারকরাজাৰ পঞ্ঞায অতিরোচথ। উপতিস্সো চ মেধাৰী, ফুস্সদেৰো মহাকথী॥ পুনদেৰ সুমনো মেধাৰী, পুপ্ফনামো বহুস্সুতো। মহাকথী মহাসিৰো, পিটকে সব্বত্থ কোৰিদো॥ পুনদেৰ উপালি মেধাৰী, ৰিনযে চ ৰিসারদো। মহানাগো মহাপঞ্ঞো, সদ্ধম্মৰংসকোৰিদো॥ পুনদেৰ অভযো মেধাৰী, পিটকে সব্বত্থ কোৰিদো। তিস্সত্থেরো চ মেধাৰী, ৰিনযে চ ৰিসারদো॥ তস্স সিস্সো মহাপঞ্ঞো, পুপ্ফনামো বহুস্সুতো। সাসনং অনুরক্খন্তো, জম্বুদীপে পতিট্ঠিতো॥ চূল়াভযো চ মেধাৰী, ৰিনযে চ ৰিসারদো। তিস্সত্থেরো চ মেধাৰী, সদ্ধম্মৰংসকোৰিদো॥ চূল়দেৰো চ মেধাৰী, ৰিনযে চ ৰিসারদো। সিৰত্থেরো চ মেধাৰী, ৰিনযে সব্বত্থ কোৰিদো॥ এতে নাগা মহাপঞ্ঞা, ৰিনযঞ্ঞূ মগ্গকোৰিদা। ৰিনযং দীপে পকাসেসুং, পিটকং তম্বপণ্ণিযাতি॥ ২০৩. যং তেন ভগৰতা জানতা পস্সতা অরহতা সম্মাসম্বুদ্ধেন ভিক্খুনীনং ছট্ঠং পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী জানং পারাজিকং ধম্মং অজ্ঝাপন্নং ভিক্খুনিং নেৰত্তনা পটিচোদেসি গণস্স আরোচেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – কাযতো চ ৰাচতো চ চিত্ততো চ সমুট্ঠাতি…পে॰…। ২০৪. ভিক্খুনীনং সত্তমং পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সমগ্গেন সঙ্ঘেন উক্খিত্তং অরিট্ঠং ভিক্খুং গদ্ধবাধিপুব্বং অনুৰত্তি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ২০৫. ভিক্খুনীনং অট্ঠমং পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো অট্ঠমং ৰত্থুং পরিপূরেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। অট্ঠ পারাজিকা নিট্ঠিতা। তস্সুদ্দানং – মেথুনাদিন্নাদানঞ্চ , মনুস্সৰিগ্গহুত্তরি। কাযসংসগ্গং ছাদেতি, উক্খিত্তা অট্ঠ ৰত্থুকা। পঞ্ঞাপেসি মহাৰীরো, ছেজ্জৰত্থূ অসংসযাতি॥ ২. সঙ্ঘাদিসেসকণ্ডং ২০৬. যং তেন ভগৰতা জানতা পস্সতা অরহতা সম্মাসম্বুদ্ধেন উস্সযৰাদিকায ভিক্খুনিযা অড্ডং করোন্তিযা সঙ্ঘাদিসেসো কত্থ পঞ্ঞত্তো? কং আরব্ভ? কিস্মিং ৰত্থুস্মিং…পে॰… কেনাভতন্তি? ২০৭. যং তেন ভগৰতা জানতা পস্সতা অরহতা সম্মাসম্বুদ্ধেন উস্সযৰাদিকায ভিক্খুনিযা অড্ডং করোন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী উস্সযৰাদিকা ৰিহরি, তস্মিং ৰত্থুস্মিং। অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তীতি? একা পঞ্ঞত্তি। অনুপঞ্ঞত্তি অনুপ্পন্নপঞ্ঞত্তি তস্মিং নত্থি। সব্বত্থপঞ্ঞত্তি, পদেসপঞ্ঞত্তীতি? সব্বত্থপঞ্ঞত্তি। সাধারণপঞ্ঞত্তি, অসাধারণপঞ্ঞত্তীতি? অসাধারণপঞ্ঞত্তি। একতোপঞ্ঞত্তি, উভতোপঞ্ঞত্তীতি? একতোপঞ্ঞত্তি। চতুন্নং পাতিমোক্খুদ্দেসানং কত্থোগধং কত্থ পরিযাপন্নন্তি? নিদানোগধং নিদানপরিযাপন্নং । কতমেন উদ্দেসেন উদ্দেসং আগচ্ছতীতি? ততিযেন উদ্দেসেন উদ্দেসং আগচ্ছতি। চতুন্নং ৰিপত্তীনং কতমা ৰিপত্তীতি? সীলৰিপত্তি। সত্তন্নং আপত্তিক্খন্ধানং কতমো আপত্তিক্খন্ধোতি? সঙ্ঘাদিসেসাপত্তিক্খন্ধো। ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? দ্ৰীহি সমুট্ঠানেহি সমুট্ঠাতি – সিযা কাযতো চ ৰাচতো চ সমুট্ঠাতি, ন চিত্ততো; সিযা কাযতো চ ৰাচতো চ চিত্ততো চ সমুট্ঠাতি…পে॰… কেনাভতন্তি? পরম্পরাভতং – উপালি দাসকো চেৰ, সোণকো সিগ্গৰো তথা। মোগ্গলিপুত্তেন পঞ্চমা, এতে জম্বুসিরিৰ্হযে॥ …পে॰…। এতে নাগা মহাপঞ্ঞা, ৰিনযঞ্ঞূ মগ্গকোৰিদা। ৰিনযং দীপে পকাসেসুং, পিটকং তম্বপণ্ণিযাতি॥ ২০৮. চোরিং ৰুট্ঠাপেন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী চোরিং ৰুট্ঠাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। ২০৯. একায গামন্তরং গচ্ছন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী একা গামন্তরং গচ্ছি, তস্মিং ৰত্থুস্মিং। একা পঞ্ঞত্তি, তিস্সো অনুপঞ্ঞত্তিযো। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। ২১০. সমগ্গেন সঙ্ঘেন উক্খিত্তং ভিক্খুনিং ধম্মেন ৰিনযেন সত্থুসাসনেন অনপলোকেত্ৰা কারকসঙ্ঘং অনঞ্ঞায গণস্স ছন্দং ওসারেন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সমগ্গেন সঙ্ঘেন উক্খিত্তং ভিক্খুনিং ধম্মেন ৰিনযেন সত্থুসাসনেন অনপলোকেত্ৰা কারকসঙ্ঘং অনঞ্ঞায গণস্স ছন্দং ওসারেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ২১১. অৰস্সুতায ভিক্খুনিযা অৰস্সুতস্স পুরিসপুগ্গলস্স হত্থতো খাদনীযং ৰা ভোজনীযং ৰা সহত্থা পটিগ্গহেত্ৰা ভুঞ্জন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? সুন্দরীনন্দং ভিক্খুনিং আরব্ভ। কিস্মিং ৰত্থুস্মিন্তি? সুন্দরীনন্দা ভিক্খুনী অৰস্সুতা অৰস্সুতস্স পুরিসপুগ্গলস্স হত্থতো আমিসং পটিগ্গহেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। ২১২. ‘‘কিং তে, অয্যে, এসো পুরিসপুগ্গলো করিস্সতি অৰস্সুতো ৰা অনৰস্সুতো ৰা, যতো ত্ৰং অনৰস্সুতা! ইঙ্ঘ, অয্যে, যং তে এসো পুরিসপুগ্গলো দেতি খাদনীযং ৰা ভোজনীযং ৰা, তং ত্ৰং সহত্থা পটিগ্গহেত্ৰা খাদ ৰা ভুঞ্জ ৰা’’তি উয্যোজেন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং অরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী –‘‘কিং তে, অয্যে, এসো পুরিসপুগ্গলো করিস্সতি অৰস্সুতো ৰা অনৰস্সুতো ৰা, যতো ত্ৰং অনৰস্সুতা! ইঙ্ঘ, অয্যে, যং তে এসো পুরিসপুগ্গলো দেতি খাদনীযং ৰা ভোজনীযং ৰা, তং ত্ৰং সহত্থা পটিগ্গহেত্ৰা খাদ ৰা ভুঞ্জ ৰা’’তি উয্যোজেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। ২১৩. কুপিতায অনত্তমনায ভিক্খুনিযা যাৰততিযং সমনুভাসনায ন পটিনিস্সজ্জন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী কুপিতা অনত্তমনা এৰং অৰচ – ‘‘বুদ্ধং পচ্চাচিক্খামি, ধম্মং পচ্চাচিক্খামি, সঙ্ঘং পচ্চাচিক্খামি, সিক্খং পচ্চাচিক্খামী’’তি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ২১৪. কিস্মিঞ্চিদেৰ অধিকরণে পচ্চাকতায ভিক্খুনিযা যাৰততিযং সমনুভাসনায ন পটিনিস্সজ্জন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী কিস্মিঞ্চিদেৰ অধিকরণে পচ্চাকতা কুপিতা অনত্তমনা এৰং অৰচ – ‘‘ছন্দগামিনিযো চ ভিক্খুনিযো, দোসগামিনিযো চ ভিক্খুনিযো, মোহগামিনিযো চ ভিক্খুনিযো, ভযগামিনিযো চ ভিক্খুনিযো’’তি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ২১৫. সংসট্ঠানং ভিক্খুনীনং যাৰততিযং সমনুভাসনায ন পটিনিস্সজ্জন্তীনং সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো সংসট্ঠা ৰিহরিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ২১৬. ‘‘সংসট্ঠাৰ, অয্যে, তুম্হে ৰিহরথ। মা তুম্হে নানা ৰিহরিত্থা’’তি উয্যোজেন্তিযা যাৰততিযং সমনুভাসনায ন পটিনিস্সজ্জন্তিযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী – ‘‘সংসট্ঠাৰ অয্যে, তুম্হে ৰিহরথ, মা তুম্হে নানা ৰিহরিত্থা’’তি উয্যোজেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। দস সঙ্ঘাদিসেসা নিট্ঠিতা। তস্সুদ্দানং – উস্সযচোরি গামন্তং, উক্খিত্তং খাদনেন চ। কিং তে কুপিতা কিস্মিঞ্চি, সংসট্ঠা ঞাযতে দসাতি॥ ৩. নিস্সগ্গিযকণ্ডং ২১৭. যং তেন ভগৰতা জানতা পস্সতা অরহতা সম্মাসম্বুদ্ধেন পত্তসন্নিচযং করোন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো পত্তসন্নিচযং অকংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। অকালচীৰরং ‘‘কালচীৰর’’ন্তি অধিট্ঠহিত্ৰা ভাজাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অকালচীৰরং ‘‘কালচীৰর’’ন্তি অধিট্ঠহিত্ৰা ভাজাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। ভিক্খুনিযা সদ্ধিং চীৰরং পরিৰত্তেত্ৰা অচ্ছিন্দন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ভিক্খুনিযা সদ্ধিং চীৰরং পরিৰত্তেত্ৰা অচ্ছিন্দি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। অঞ্ঞং ৰিঞ্ঞাপেত্ৰা অঞ্ঞং ৰিঞ্ঞাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অঞ্ঞং ৰিঞ্ঞাপেত্ৰা অঞ্ঞং ৰিঞ্ঞাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অঞ্ঞং চেতাপেত্ৰা অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অঞ্ঞং চেতাপেত্ৰা অঞ্ঞং চেতাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থং পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি ? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন সঞ্ঞাচিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন সঞ্ঞাচিকেন অঞ্ঞং চেতাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অঞ্ঞদত্থিকেন পরিক্খারেন অঞ্ঞুদ্দিসিকেন পুগ্গলিকেন সঞ্ঞাচিকেন অঞ্ঞং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অঞ্ঞদত্থিকেন পরিক্খারেন অঞ্ঞুদ্দিসিকেন পুগ্গলিকেন সঞ্ঞাচিকেন অঞ্ঞং চেতাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অতিরেকচতুক্কংসপরমং গরুপাৰুরণং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী রাজানং কম্বলং ৰিঞ্ঞাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। অতিরেকঅড্ঢতেয্যকংসপরমং লহুপাৰুরণং চেতাপেন্তিযা নিস্সগ্গিযং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী রাজানং খোমং ৰিঞ্ঞাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি …পে॰…। দ্ৰাদস নিস্সগ্গিযা পাচিত্তিযা নিট্ঠিতা। তস্সুদ্দানং – পত্তং অকালং কালঞ্চ, পরিৰত্তে চ ৰিঞ্ঞাপে। চেতাপেত্ৰা অঞ্ঞদত্থি, সঙ্ঘিকঞ্চ মহাজনিকং। সঞ্ঞাচিকা পুগ্গলিকা, চতুক্কংসড্ঢতেয্যকাতি॥ ৪. পাচিত্তিযকণ্ডং ১. লসুণৰগ্গো ২১৮. যং তেন ভগৰতা জানতা পস্সতা অরহতা সম্মাসম্বুদ্ধেন লসুণং খাদন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ন মত্তং জানিত্ৰা লসুণং হরাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি এল়কলোমকে…পে॰…। সম্বাধে লোমং সংহরাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো সম্বাধে লোমং সংহরাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। তলঘাতকে পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? দ্ৰে ভিক্খুনিযো আরব্ভ। কিস্মিং ৰত্থুস্মিন্তি ? দ্ৰে ভিক্খুনিযো তলঘাতকং অকংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। জতুমট্ঠকে পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী জতুমট্ঠকং আদিযি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। অতিরেকদ্ৰঙ্গুলপব্বপরমং উদকসুদ্ধিকং আদিযন্তিযা পাচিত্তিযং কত্থ পঞ্ঞত্তন্তি? সক্কেসু পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী অতিগম্ভীরং উদকসুদ্ধিকং আদিযি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। ভিক্খুস্স ভুঞ্জন্তস্স পানীযেন ৰা ৰিধূপনেন ৰা উপতিট্ঠন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী ভিক্খুস্স ভুঞ্জন্তস্স পানীযেন চ ৰিধূপনেন চ উপতিট্ঠি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। আমকধঞ্ঞং ৰিঞ্ঞাপেত্ৰা ভুঞ্জন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো আমকধঞ্ঞং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। উচ্চারং ৰা পস্সাৰং ৰা সঙ্কারং ৰা ৰিঘাসং ৰা তিরোকুট্টে [তিরোকুড্ডে (সী॰ স্যা॰)] ছড্ডেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী উচ্চারং [উচ্চারম্পি পস্সাৰম্পি সঙ্কারম্পি ৰিঘাসম্পি (ক॰)] তিরোকুট্টে ছড্ডেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। উচ্চারং ৰা পস্সাৰং ৰা সঙ্কারং ৰা ৰিঘাসং ৰা হরিতে ছড্ডেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো উচ্চারম্পি পস্সাৰম্পি সঙ্কারম্পি ৰিঘাসম্পি হরিতে ছড্ডেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। নচ্চং ৰা গীতং ৰা ৰাদিতং ৰা দস্সনায গচ্ছন্তিযা পাচিত্তিযং কত্থ পঞ্ঞত্তন্তি? রাজগহে পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো নচ্চম্পি গীতম্পি ৰাদিতম্পি দস্সনায অগমংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। লসুণৰগ্গো পঠমো। ২. রত্তন্ধকারৰগ্গো ২১৯. রত্তন্ধকারে অপ্পদীপে পুরিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী রত্তন্ধকারে অপ্পদীপে পুরিসেন সদ্ধিং একেনেকা সন্তিট্ঠি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – থেয্যসত্থকে…পে॰…। পটিচ্ছন্নে ওকাসে পুরিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী পটিচ্ছন্নে ওকাসে পুরিসেন সদ্ধিং একেনেকা সন্তিট্ঠি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – থেয্যসত্থকে…পে॰…। অজ্ঝোকাসে পুরিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি ? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী অজ্ঝোকাসে পুরিসেন সদ্ধিং একেনেকা সন্তিট্ঠি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – থেয্যসত্থকে…পে॰…। রথিকা ৰা [রথিযায ৰা (ক॰)] ব্যূহে ৰা সিঙ্ঘাটকে ৰা পুরিসেন সদ্ধিং একেনেকায সন্তিট্ঠন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী রথিকাযপি ব্যূহেপি সিঙ্ঘাটকেপি পুরিসেন সদ্ধিং একেনেকা সন্তিট্ঠি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – থেয্যসত্থকে…পে॰…। পুরেভত্তং কুলানি উপসঙ্কমিত্ৰা আসনে নিসীদিত্ৰা সামিকে অনাপুচ্ছা পক্কমন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং । কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী পুরেভত্তং কুলানি উপসঙ্কমিত্ৰা আসনে নিসীদিত্ৰা সামিকে অনাপুচ্ছা পক্কামি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। পচ্ছাভত্তং কুলানি উপসঙ্কমিত্ৰা সামিকে অনাপুচ্ছা আসনে অভিনিসীদন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং । কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী পচ্ছাভত্তং কুলানি উপসঙ্কমিত্ৰা সামিকে অনাপুচ্ছা আসনে অভিনিসীদি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। ৰিকালে কুলানি উপসঙ্কমিত্ৰা সামিকে অনাপুচ্ছা সেয্যং সন্থরিত্ৰা ৰা সন্থরাপেত্ৰা ৰা অভিনিসীদন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ৰিকালে কুলানি উপসঙ্কমিত্ৰা সামিকে অনাপুচ্ছা সেয্যং সন্থরিত্ৰা অভিনিসীদিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। দুগ্গহিতেন দূপধারিতেন পরং উজ্ঝাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী দুগ্গহিতেন দূপধারিতেন পরং উজ্ঝাপেসি, তস্মিং ৰত্থুস্মিং। একা পঞ্ঞত্তি ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। অত্তানং ৰা পরং ৰা নিরযেন ৰা ব্রহ্মচরিযেন ৰা অভিসপন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী অত্তানম্পি পরম্পি নিরযেনপি ব্রহ্মচরিযেনপি অভিসপি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। অত্তানং ৰধিত্ৰা ৰধিত্ৰা রোদন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী অত্তানং ৰধিত্ৰা ৰধিত্ৰা রোদি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। রত্তন্ধকারৰগ্গো দুতিযো। ৩. নহানৰগ্গো ২২০. নগ্গায নহাযন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো নগ্গা নহাযিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। পমাণাতিক্কন্তং উদকসাটিকং কারাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং । কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো অপ্পমাণিকাযো উদকসাটিকাযো ধারেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। ভিক্খুনিযা চীৰরং ৰিসিব্বেত্ৰা ৰা ৰিসিব্বাপেত্ৰা ৰা নেৰ সিব্বেন্তিযা ন সিব্বাপনায উস্সুক্কং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ভিক্খুনিযা চীৰরং ৰিসিব্বাপেত্ৰা নেৰ সিব্বেসি ন সিব্বাপনায উস্সুক্কং অকাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। পঞ্চাহিকং সঙ্ঘাটিচারং অতিক্কামেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ভিক্খুনীনং হত্থে চীৰরং নিক্খিপিত্ৰা সন্তরুত্তরেন জনপদচারিকং পক্কমিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি কথিনকে…পে॰…। চীৰরসঙ্কমনীযং ধারেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী অঞ্ঞতরায ভিক্খুনিযা চীৰরং অনাপুচ্ছা পারুপি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। গণস্স চীৰরলাভং অন্তরাযং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী গণস্স চীৰরলাভং অন্তরাযং অকাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। ধম্মিকং চীৰরৰিভঙ্গং পটিবাহন্তিযা পাচিত্তিযং কত্থ পঞ্ঞত্তন্তি। সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ধম্মিকং চীৰরৰিভঙ্গং পটিবাহি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। অগারিকস্স ৰা পরিব্বাজকস্স ৰা পরিব্বাজিকায ৰা সমণচীৰরং দেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অগারিকস্স সমণচীৰরং অদাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং ছহি সমুট্ঠানেহি সমুট্ঠাতি…পে॰…। দুব্বলচীৰরপচ্চাসায চীৰরকালসমযং অতিক্কামেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী দুব্বলচীৰরপচ্চাসায চীৰরকালসমযং অতিক্কামেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। ধম্মিকং কথিনুদ্ধারং পটিবাহন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ । কিস্মিং ৰত্থুস্মিন্তি? থুল্লনন্দা ভিক্খুনী ধম্মিকং কথিনুদ্ধারং পটিবাহি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। নহানৰগ্গো ততিযো। ৪. তুৰট্টৰগ্গো ২২১. দ্ৰিন্নং ভিক্খুনীনং একমঞ্চে তুৰট্টেন্তীনং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো দ্ৰে একমঞ্চে তুৰট্টেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। দ্ৰিন্নং ভিক্খুনীনং একত্থরণপাৰুরণে তুৰট্টেন্তীনং পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো দ্ৰে একত্থরণপাৰুরণা তুৰট্টেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ভিক্খুনিযা সঞ্চিচ্চ অফাসুং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ভিক্খুনিযা সঞ্চিচ্চ অফাসুং অকাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। দুক্খিতং সহজীৰিনিং নেৰ উপট্ঠেন্তিযা ন উপট্ঠাপনায উস্সুক্কং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী দুক্খিতং সহজীৰিনিং নেৰ উপট্ঠেসি ন উপট্ঠাপনায উস্সুক্কং অকাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ভিক্খুনিযা উপস্সযং দত্ৰা কুপিতায অনত্তমনায নিক্কড্ঢন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ভিক্খুনিযা উপস্সযং দত্ৰা কুপিতা অনত্তমনা নিক্কড্ঢি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। সংসট্ঠায ভিক্খুনিযা যাৰততিযং সমনুভাসনায ন পটিনিস্সজ্জন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী সংসট্ঠা ৰিহরি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। অন্তোরট্ঠে সাসঙ্কসম্মতে সপ্পটিভযে অসত্থিকায চারিকং চরন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অন্তোরট্ঠে সাসঙ্কসম্মতে সপ্পটিভযে অসত্থিকাযো চারিকং চরিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। তিরোরট্ঠে সাসঙ্কসম্মতে সপ্পটিভযে অসত্থিকায চারিকং চরন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো তিরোরট্ঠে সাসঙ্কসম্মতে সপ্পটিভযে অসত্থিকাযো চারিকং চরিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। অন্তোৰস্সং চারিকং চরন্তিযা পাচিত্তিযং কত্থ পঞ্ঞত্তন্তি? রাজগহে পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অন্তোৰস্সং চারিকং চরিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ৰস্সংৰুট্ঠায [ৰস্সংৰুত্থায (সী॰ স্যা॰)] ভিক্খুনিযা চারিকং ন পক্কমন্তিযা পাচিত্তিযং কত্থ পঞ্ঞত্তন্তি? রাজগহে পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ । কিস্মিং ৰত্থুস্মিন্তি? সম্বহুলা ভিক্খুনিযো ৰস্সংৰুট্ঠা চারিকং ন পক্কমিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। তুৰট্টৰগ্গো চতুত্থো। ৫. চিত্তাগারৰগ্গো ২২২. রাজাগারং ৰা চিত্তাগারং ৰা আরামং ৰা উয্যানং ৰা পোক্খরণিং ৰা দস্সনায গচ্ছন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো রাজাগারম্পি চিত্তাগারম্পি দস্সনায অগমংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। আসন্দিং ৰা পল্লঙ্কং ৰা পরিভুঞ্জন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো আসন্দিম্পি পল্লঙ্কম্পি পরিভুঞ্জিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। সুত্তং কন্তন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো সুত্তং কন্তিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। গিহিৰেয্যাৰচ্চং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো গিহিৰেয্যাৰচ্চং অকংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ভিক্খুনিযা ‘‘এহায্যে ইমং অধিকরণং ৰূপসমেহী’’তি ৰুচ্চমানায ‘‘সাধূ’’তি পটিস্সুণিত্ৰা নেৰ ৰূপসমেন্তিযা ন ৰূপসমায উস্সুক্কং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী ভিক্খুনিযা – ‘‘এহায্যে, ইমং অধিকরণং ৰূপসমেহী’’তি ৰুচ্চমানা ‘‘সাধূ’’তি পটিস্সুণিত্ৰা নেৰ ৰূপসমেসি ন ৰূপসমায উস্সুক্কং অকাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। অগারিকস্স ৰা পরিব্বাজকস্স ৰা পরিব্বাজিকায ৰা সহত্থা খাদনীযং ৰা ভোজনীযং ৰা দেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী অগারিকস্স সহত্থা খাদনীযম্পি ভোজনীযম্পি অদাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। আৰসথচীৰরং অনিস্সজ্জিত্ৰা পরিভুঞ্জন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী আৰসথচীৰরং অনিস্সজ্জিত্ৰা পরিভুঞ্জি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। আৰসথং অনিস্সজ্জিত্ৰা চারিকং পক্কমন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী আৰসথং অনিস্সজ্জিত্ৰা চারিকং পক্কামি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। তিরচ্ছানৰিজ্জং পরিযাপুণন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো তিরচ্ছানৰিজ্জং পরিযাপুণিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – পদসোধম্মে…পে॰…। তিরচ্ছানৰিজ্জং ৰাচেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি। ছব্বগ্গিযা ভিক্খুনিযো তিরচ্ছানৰিজ্জং ৰাচেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – পদসোধম্মে…পে॰…। চিত্তাগারৰগ্গো পঞ্চমো। ৬. আরামৰগ্গো ২২৩. জানং সভিক্খুকং আরামং অনাপুচ্ছা পৰিসন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো আরামং অনাপুচ্ছা পৰিসিংসু, তস্মিং ৰত্থুস্মিং। একা পঞ্ঞত্তি, দ্ৰে অনুপঞ্ঞত্তিযো। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ভিক্খুং অক্কোসন্তিযা পরিভাসন্তিযা পাচিত্তিযং কত্থ পঞ্ঞত্তন্তি? ৰেসালিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো আযস্মন্তং উপালিং অক্কোসিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। চণ্ডীকতায গণং পরিভাসন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী চণ্ডীকতায গণং পরিভাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। নিমন্তিতায ৰা পৰারিতায ৰা খাদনীযং ৰা ভোজনীযং ৰা অঞ্ঞত্র ভুঞ্জন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ভুত্তাৰিনিযো পৰারিতা অঞ্ঞত্র ভুঞ্জিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। কুলং মচ্ছরাযন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী কুলং মচ্ছরাযি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। অভিক্খুকে আৰাসে ৰস্সং ৰসন্তিযা পাচিত্তিযং কত্থ পঞ্ঞত্তন্তি ? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অভিক্খুকে আৰাসে ৰস্সং ৰসিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ৰস্সংৰুট্ঠায ভিক্খুনিযা উভতোসঙ্ঘে তীহি ঠানেহি ন পৰারেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ৰস্সংৰুট্ঠা ভিক্খুসঙ্ঘং[ভিক্খুনিসংঘে (ক॰)] ন পৰারেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ওৰাদায ৰা সংৰাসায ৰা ন গচ্ছন্তিযা পাচিত্তিযং কত্থ পঞ্ঞত্তন্তি? সক্কেসু পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো ওৰাদং ন গচ্ছিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। উপোসথম্পি ন পুচ্ছন্তিযা ওৰাদম্পি ন যাচন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো উপোসথম্পি ন পুচ্ছিংসু ওৰাদম্পি ন যাচিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। পসাখে জাতং গণ্ডং ৰা রুধিতং [রুহিতং (সী॰ স্যা॰)] ৰা অনপলোকেত্ৰা সঙ্ঘং ৰা গণং ৰা পুরিসেন সদ্ধিং একেনেকায ভেদাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী পসাখে জাতং গণ্ডং পুরিসেন সদ্ধিং একেনেকা ভেদাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। আরামৰগ্গো ছট্ঠো। ৭. গব্ভিনীৰগ্গো ২২৪. গব্ভিনিং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং । কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো গব্ভিনিং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। পাযন্তিং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পাযন্তিং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। দ্ৰে ৰস্সানি ছসু ধম্মেসু অসিক্খিতসিক্খং সিক্খমানং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো দ্ৰে ৰস্সানি ছসু ধম্মেসু অসিক্খিতসিক্খং সিক্খমানং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। দ্ৰে ৰস্সানি ছসু ধম্মেসু সিক্খিতসিক্খং সিক্খমানং সঙ্ঘেন অসম্মতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো দ্ৰে ৰস্সানি ছসু ধম্মেসু সিক্খিতসিক্খং সিক্খমানং সঙ্ঘেন অসম্মতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। ঊনদ্ৰাদসৰস্সং গিহিগতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ঊনদ্ৰাদসৰস্সং গিহিগতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেসুং , তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। সহজীৰিনিং ৰুট্ঠাপেত্ৰা দ্ৰে ৰস্সানি নেৰ অনুগ্গণ্হন্তিযা ন অনুগ্গণ্হাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সহজীৰিনিং ৰুট্ঠাপেত্ৰা দ্ৰে ৰস্সানি নেৰ অনুগ্গহেসি ন অনুগ্গণ্হাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ৰুট্ঠাপিতং পৰত্তিনিং দ্ৰে ৰস্সানি নানুবন্ধন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ৰুট্ঠাপিতং পৰত্তিনিং দ্ৰে ৰস্সানি নানুবন্ধিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। সহজীৰিনিং ৰুট্ঠাপেত্ৰা নেৰ ৰূপকাসেন্তিযা ন ৰূপকাসাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সহজীৰিনিং ৰুট্ঠাপেত্ৰা নেৰ ৰূপকাসেসি ন ৰূপকাসাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। গব্ভিনিৰগ্গো সত্তমো। ৮. কুমারীভূতৰগ্গো ২২৫. ঊনৰীসতিৰস্সং কুমারিভূতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ । কিস্মিং ৰত্থুস্মিন্তি? সম্বহুলা ভিক্খুনিযো ঊনৰীসতিৰস্সং কুমারিভূতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। পরিপুণ্ণৰীসতিৰস্সং কুমারিভূতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পরিপুণ্ণৰীসতিৰস্সং কুমারিভূতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। পরিপুণ্ণৰীসতিৰস্সং কুমারিভূতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পরিপুণ্ণৰীসতিৰস্সং কুমারিভূতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। ঊনদ্ৰাদসৰস্সায ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ঊনদ্ৰাদসৰস্সা ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। পরিপুণ্ণদ্ৰাদসৰস্সায সঙ্ঘেন অসম্মতায ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো পরিপুণ্ণদ্ৰাদসৰস্সা সঙ্ঘেন অসম্মতা ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি – দুতিযপারাজিকে…পে॰…। ‘‘অলং তাৰ তে, অয্যে, ৰুট্ঠাপিতেনা’’তি ৰুচ্চমানায ‘‘সাধূ’’তি পটিস্সুণিত্ৰা পচ্ছা খীযনধম্মং আপজ্জন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী ‘‘অলং তাৰ তে, অয্যে, ৰুট্ঠাপিতেনা’’তি ৰুচ্চমানা ‘‘সাধূ’’তি পটিস্সুণিত্ৰা পচ্ছা খীযনধম্মং আপজ্জি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। সিক্খমানং – ‘‘সচে মে ত্ৰং, অয্যে, চীৰরং দস্সসি, এৰাহং তং ৰুট্ঠাপেস্সামী’’তি ৰত্ৰা নেৰ ৰুট্ঠাপেন্তিযা ন ৰুট্ঠাপনায উস্সুক্কং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সিক্খমানং – ‘‘সচে মে ত্ৰং, অয্যে, চীৰরং দস্সসি, এৰাহং তং ৰুট্ঠাপেস্সামী’’তি ৰত্ৰা নেৰ ৰুট্ঠাপেসি ন ৰুট্ঠাপনায উস্সুক্কং অকাসি , তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। সিক্খমানং – ‘‘সচে মং ত্ৰং, অয্যে, দ্ৰে ৰস্সানি অনুবন্ধিস্সসি, এৰাহং তং ৰুট্ঠাপেস্সামী’’তি ৰত্ৰা নেৰ ৰুট্ঠাপেন্তিযা ন ৰুট্ঠাপনায উস্সুক্কং করোন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সিক্খমানং – ‘‘সচে মং ত্ৰং, অয্যে, দ্ৰে ৰস্সানি অনুবন্ধিস্সসি, এৰাহং তং ৰুট্ঠাপেস্সামী’’তি ৰত্ৰা নেৰ ৰুট্ঠাপেসি ন ৰুট্ঠাপনায উস্সুক্কং অকাসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। পুরিসসংসট্ঠং কুমারকসংসট্ঠং চণ্ডিং সোকাৰাসং সিক্খমানং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী পুরিসসংসট্ঠং কুমারকসংসট্ঠং চণ্ডিং সোকাৰাসং সিক্খমানং ৰুট্ঠাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। মাতাপিতূহি ৰা সামিকেন ৰা অননুঞ্ঞাতং সিক্খমানং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী মাতাপিতূহিপি সামিকেনাপি অননুঞ্ঞাতং সিক্খমানং ৰুট্ঠাপেসি , তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি – সিযা ৰাচতো সমুট্ঠাতি, ন কাযতো ন চিত্ততো; সিযা কাযতো চ ৰাচতো চ সমুট্ঠাতি, ন চিত্ততো; সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। পারিৰাসিকছন্দদানেন সিক্খমানং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? রাজগহে পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী পারিৰাসিকছন্দদানেন সিক্খমানং ৰুট্ঠাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। অনুৰস্সং ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অনুৰস্সং ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। একং ৰস্সং দ্ৰে ৰুট্ঠাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো একং ৰস্সং দ্ৰে ৰুট্ঠাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। কুমারীভূতৰগ্গো অট্ঠমো। ৯. ছত্তুপাহনৰগ্গো ২২৬. ছত্তুপাহনং ধারেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো ছত্তুপাহনং ধারেসুং, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। যানেন যাযন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো যানেন যাযিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। সঙ্ঘাণিং ধারেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী সঙ্ঘাণিং ধারেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ইত্থালঙ্কারং ধারেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো ইত্থালঙ্কারং ধারেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। গন্ধৰণ্ণকেন নহাযন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো গন্ধৰণ্ণকেন নহাযিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ৰাসিতকেন পিঞ্ঞাকেন নহাযন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো ৰাসিতকেন পিঞ্ঞাকেন নহাযিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ভিক্খুনিযা উম্মদ্দাপেন্তিযা পরিমদ্দাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ভিক্খুনিযা উম্মদ্দাপেসুং পরিমদ্দাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। সিক্খমানা উম্মদ্দাপেন্তিযা পরিমদ্দাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো সিক্খমানায উম্মদ্দাপেসুং পরিমদ্দাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। সামণেরিযা উম্মদ্দাপেন্তিযা পরিমদ্দাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ । কিস্মিং ৰত্থুস্মিন্তি? সম্বহুলা ভিক্খুনিযো সামণেরিযা উম্মদ্দাপেসুং পরিমদ্দাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। গিহিনিযা উম্মদ্দাপেন্তিযা পরিমদ্দাপেন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো গিহিনিযা উম্মদ্দাপেসুং পরিমদ্দাপেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – এল়কলোমকে…পে॰…। ভিক্খুস্স পুরতো অনাপুচ্ছা আসনে নিসীদন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো ভিক্খুস্স পুরতো অনাপুচ্ছা আসনে নিসীদিংসু, তস্মিং ৰত্থুস্মিং । একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – কথিনকে…পে॰…। অনোকাসকতং ভিক্খুং পঞ্হং পুচ্ছন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো অনোকাসকতং ভিক্খুং পঞ্হং পুচ্ছিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – পদসোধম্মে…পে॰…। অসঙ্কচ্চিকায [অসঙ্কচ্ছিকায (স্যা॰)] গামং পৰিসন্তিযা পাচিত্তিযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী অসঙ্কচ্চিকা গামং পাৰিসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – সিযা কাযতো সমুট্ঠাতি, ন ৰাচতো ন চিত্ততো; সিযা কাযতো চ চিত্ততো চ সমুট্ঠাতি, ন ৰাচতো…পে॰…। ছত্তুপাহনৰগ্গো নৰমো। নৰৰগ্গখুদ্দকা নিট্ঠিতা। তস্সুদ্দানং – লসুণং সংহরে লোমং, তলমট্ঠঞ্চ সুদ্ধিকং। ভুঞ্জন্তামকধঞ্ঞানং, দ্ৰে ৰিঘাসেন দস্সনা॥ অন্ধকারে পটিচ্ছন্নে, অজ্ঝোকাসে রথিকায চ। পুরে পচ্ছা ৰিকালে চ, দুগ্গহি নিরযে ৰধি॥ নগ্গোদকা ৰিসিব্বেত্ৰা, পঞ্চাহিকং সঙ্কমনীযং। গণং ৰিভঙ্গসমণং, দুব্বলং কথিনেন চ॥ একমঞ্চত্থরণেন, সঞ্চিচ্চ সহজীৰিনী। দত্ৰা সংসট্ঠঅন্তো চ, তিরোৰস্সং ন পক্কমে॥ রাজা আসন্দি সুত্তঞ্চ, গিহি ৰূপসমেন চ। দদে চীৰরাৰসথং, পরিযাপুণঞ্চ ৰাচযে॥ আরামক্কোসচণ্ডী চ, ভুঞ্জেয্য কুলমচ্ছরী। ৰাসে পৰারণোৰাদং, দ্ৰে ধম্মা পসাখেন চ॥ গব্ভী পাযন্তী ছ ধম্মে, অসম্মতূনদ্ৰাদস। পরিপুণ্ণঞ্চ সঙ্ঘেন, সহ ৰুট্ঠা ছ পঞ্চ চ॥ কুমারী দ্ৰে চ সঙ্ঘেন, দ্ৰাদস সম্মতেন চ। অলং সচে চ দ্ৰেৰস্সং, সংসট্ঠা সামিকেন চ॥ পারিৰাসিকানুৰস্সং, দুৰে ৰুট্ঠাপনেন চ। ছত্তযানেন সঙ্ঘাণি, ইত্থালঙ্কারৰণ্ণকে॥ পিঞ্ঞাকভিক্খুনী চেৰ, সিক্খা চ সামণেরিকা। গিহি ভিক্খুস্স পুরতো, অনোকাসং সঙ্কচ্চিকাতি॥ তেসং ৰগ্গানং উদ্দানং – লসুণন্ধকারা ন্হানা, তুৰট্টা চিত্তগারকা। আরামং গব্ভিনী চেৰ, কুমারী ছত্তুপাহনাতি॥ ৫. পাটিদেসনীযকণ্ডং ২২৭. সপ্পিং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো সপ্পিং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। তেলং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো তেলং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। মধুং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো মধুং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। ফাণিতং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো ফাণিতং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। মচ্ছং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো মচ্ছং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। মংসং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো। মংসং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। খীরং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো খীরং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰…। দধিং ৰিঞ্ঞাপেত্ৰা ভুঞ্জন্তিযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো দধিং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি – সিযা কাযতো সমুট্ঠাতি, ন ৰাচতো ন চিত্ততো; সিযা কাযতো চ ৰাচতো চ সমুট্ঠাতি, ন চিত্ততো; সিযা কাযতো চ চিত্ততো চ সমুট্ঠাতি, ন ৰাচতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। অট্ঠ পাটিদেসনীযা নিট্ঠিতা। তস্সুদ্দানং – সপ্পিং তেলং মধুঞ্চেৰ, ফাণিতং মচ্ছমেৰ চ। মংসং খীরং দধিঞ্চাপি, ৰিঞ্ঞাপেত্ৰান ভিক্খুনী। পাটিদেসনীযা অট্ঠ, সযং বুদ্ধেন দেসিতাতি॥ যে সিক্খাপদা ভিক্খুৰিভঙ্গে ৰিত্থারিতা তে সংখিত্তা ভিক্খুনিৰিভঙ্গে। কত্থপঞ্ঞত্তিৰারো নিট্ঠিতো পঠমো। ২. কতাপত্তিৰারো ১. পারাজিককণ্ডং ২২৮. অৰস্সুতা ভিক্খুনী অৰস্সুতস্স পুরিসপুগ্গলস্স কাযসংসগ্গং সাদিযন্তী কতি আপত্তিযো আপজ্জতি? অৰস্সুতা ভিক্খুনী অৰস্সুতস্স পুরিসপুগ্গলস্স কাযসংসগ্গং সাদিযন্তী তিস্সো আপত্তিযো আপজ্জতি । অধক্খকং উব্ভজাণুমণ্ডলং গহণং সাদিযতি, আপত্তি পারাজিকস্স; উব্ভক্খকং অধোজাণুমণ্ডলং গহণং সাদিযতি, আপত্তি থুল্লচ্চযস্স; কাযপটিবদ্ধং গহণং সাদিযতি, আপত্তি দুক্কটস্স – অৰস্সুতা ভিক্খুনী অৰস্সুতস্স পুরিসপুগ্গলস্স কাযসংসগ্গং সাদিযন্তী ইমা তিস্সো আপত্তিযো আপজ্জতি। ৰজ্জপ্পটিচ্ছাদিকা ভিক্খুনী ৰজ্জং পটিচ্ছাদেন্তী কতি আপত্তিযো আপজ্জতি? ৰজ্জপ্পটিচ্ছাদিকা ভিক্খুনী ৰজ্জং পটিচ্ছাদেন্তী তিস্সো আপত্তিযো আপজ্জতি। জানং পারাজিকং ধম্মং পটিচ্ছাদেতি, আপত্তি পারাজিকস্স; ৰেমতিকা পটিচ্ছাদেতি, আপত্তি থুল্লচ্চযস্স; আচারৰিপত্তিং পটিচ্ছাদেতি, আপত্তি দুক্কটস্স – ৰজ্জপ্পটিচ্ছাদিকা ভিক্খুনী ৰজ্জং পটিচ্ছাদেন্তী ইমা তিস্সো আপত্তিযো আপজ্জতি। উক্খিত্তানুৰত্তিকা ভিক্খুনী যাৰততিযং সমনুভাসনায ন পটিনিস্সজ্জন্তী কতি আপত্তিযো আপজ্জতি? উক্খিত্তানুৰত্তিকা ভিক্খুনী যাৰততিযং সমনুভাসনায ন পটিনিস্সজ্জন্তী তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি পারাজিকস্স – উক্খিত্তানুৰত্তিকা ভিক্খুনী যাৰততিযং সমনুভাসনায ন পটিনিস্সজ্জন্তী ইমা তিস্সো আপত্তিযো আপজ্জতি। অট্ঠমং ৰত্থুং পরিপূরেন্তী কতি আপত্তিযো আপজ্জতি? অট্ঠমং ৰত্থুং পরিপূরেন্তী তিস্সো আপত্তিযো আপজ্জতি। পুরিসেন – ‘‘ইত্থন্নামং ওকাসং [ইত্থন্নামং গহনং (সী॰), ইত্থন্নামং গব্ভং (স্যা॰)] আগচ্ছা’’তি ৰুত্তা গচ্ছতি, আপত্তি দুক্কটস্স; পুরিসস্স হত্থপাসং ওক্কন্তমত্তে আপত্তি থুল্লচ্চযস্স; অট্ঠমং ৰত্থুং পরিপূরেতি, আপত্তি পারাজিকস্স – অট্ঠমং ৰত্থুং পরিপূরেন্তী ইমা তিস্সো আপত্তিযো আপজ্জতি। পারাজিকা নিট্ঠিতা। ২. সঙ্ঘাদিসেসকণ্ডং ২২৯. উস্সযৰাদিকা ভিক্খুনী অড্ডং করোন্তী তিস্সো আপত্তিযো আপজ্জতি। একস্স আরোচেতি, আপত্তি দুক্কটস্স; দুতিযস্স আরোচেতি, আপত্তি থুল্লচ্চযস্স; অড্ডপরিযোসানে আপত্তি সঙ্ঘাদিসেসস্স। চোরিং ৰুট্ঠাপেন্তী তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। একা গামন্তরং গচ্ছন্তী তিস্সো আপত্তিযো আপজ্জতি। গচ্ছতি, আপত্তি দুক্কটস্স; পঠমং পাদং পরিক্খেপং অতিক্কামেতি, আপত্তি থুল্লচ্চযস্স; দুতিযং পাদং অতিক্কামেতি, আপত্তি সঙ্ঘাদিসেসস্স । সমগ্গেন সঙ্ঘেন উক্খিত্তং ভিক্খুনিং ধম্মেন ৰিনযেন সত্থুসাসনেন অনপলোকেত্ৰা কারকসঙ্ঘং অনঞ্ঞায গণস্স ছন্দং ওসারেন্তী তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। অৰস্সুতা ভিক্খুনী অৰস্সুতস্স পুরিসপুগ্গলস্স হত্থতো খাদনীযং ৰা ভোজনীযং ৰা সহত্থা পটিগ্গহেত্ৰা ভুঞ্জন্তী তিস্সো আপত্তিযো আপজ্জতি। ‘‘খাদিস্সামি ভুঞ্জিস্সামী’’তি পটিগ্গণ্হাতি, আপত্তি থুল্লচ্চযস্স; অজ্ঝোহারে অজ্ঝোহারে আপত্তি সঙ্ঘাদিসেসস্স; উদকদন্তপোনং পটিগ্গণ্হাতি, আপত্তি দুক্কটস্স। ‘‘কিং তে, অয্যে, এসো পুরিসপুগ্গলো করিস্সতি অৰস্সুতো ৰা অনৰস্সুতো ৰা, যতো ত্ৰং অনৰস্সুতা! ইঙ্ঘ, অয্যে, যং তে এসো পুরিসপুগ্গলো দেতি খাদনীযং ৰা ভোজনীযং ৰা, তং ত্ৰং সহত্থা পটিগ্গহেত্ৰা খাদ ৰা ভুঞ্জ ৰা’’তি উয্যোজেন্তী তিস্সো আপত্তিযো আপজ্জতি। তস্সা ৰচনেন খাদিস্সামি ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি থুল্লচ্চযস্স; ভোজনপরিযোসানে আপত্তি সঙ্ঘাদিসেসস্স। কুপিতা ভিক্খুনী যাৰততিযং সমনুভাসনায ন পটিনিস্সজ্জন্তী তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা ; কম্মৰাচাপরিযোসানে আপত্তি সঙ্ঘাদিসেসস্স। কিস্মিঞ্চিদেৰ অধিকরণে পচ্চাকতা ভিক্খুনী যাৰততিযং সমনুভাসনায ন পটিনিস্সজ্জন্তী তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। সংসট্ঠা ভিক্খুনিযো যাৰততিযং সমনুভাসনায ন পটিনিস্সজ্জন্তিযো তিস্সো আপত্তিযো আপজ্জন্তি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। ‘‘সংসট্ঠাৰ, অয্যে, তুম্হে ৰিহরথ। মা তুম্হে নানা ৰিহরিত্থা’’তি উয্যোজেন্তী যাৰততিযং সমনুভাসনায ন পটিনিস্সজ্জন্তী তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। সঙ্ঘাদিসেসা নিট্ঠিতা। ৩. নিস্সগ্গিযকণ্ডং ২৩০. পত্তসন্নিচযং করোন্তী একং আপত্তিং আপজ্জতি। নিস্সগ্গিযং পাচিত্তিযং। অকালচীৰরং ‘‘কালচীৰর’’ন্তি অধিট্ঠহিত্ৰা ভাজাপেন্তী দ্ৰে আপত্তিযো আপজ্জতি। ভাজাপেতি, পযোগে দুক্কটং; ভাজাপিতে নিস্সগ্গিযং পাচিত্তিযং। ভিক্খুনিযা সদ্ধিং চীৰরং পরিৰত্তেত্ৰা অচ্ছিন্দন্তী দ্ৰে আপত্তিযো আপজ্জতি। অচ্ছিন্দতি, পযোগে দুক্কটং; অচ্ছিন্নে নিস্সগ্গিযং পাচিত্তিযং। অঞ্ঞং ৰিঞ্ঞাপেত্ৰা অঞ্ঞং ৰিঞ্ঞাপেন্তী দ্ৰে আপত্তিযো আপজ্জতি। ৰিঞ্ঞাপেতি, পযোগে দুক্কটং; ৰিঞ্ঞাপিতে নিস্সগ্গিযং পাচিত্তিযং। অঞ্ঞং চেতাপেত্ৰা অঞ্ঞং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। অঞ্ঞদত্থিকেন পরিক্খারেন অঞ্ঞুদ্দিসিকেন সঙ্ঘিকেন অঞ্ঞং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। অঞ্ঞদত্থিকে পরিক্খারেন অঞ্ঞুদ্দিসিকেন সঙ্ঘিকেন সংযাচিকেন অঞ্ঞং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন অঞ্ঞং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। অঞ্ঞদত্থিকেন পরিক্খারেন অঞ্ঞুদ্দিসিকেন মহাজনিকেন সংযাচিকেন অঞ্ঞং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। অঞ্ঞদত্থিকেন পরিক্খারেন অঞ্ঞুদ্দিসিকে পুগ্গলিকেন সংযাচিকেন অঞ্ঞং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। অতিরেকচতুক্কংসপরমং গরুপাৰুরণং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। অতিরেকঅড্ঢতেয্যকংসপরমং লহুপাৰুরণং চেতাপেন্তী দ্ৰে আপত্তিযো আপজ্জতি। চেতাপেতি, পযোগে দুক্কটং; চেতাপিতে নিস্সগ্গিযং পাচিত্তিযং। নিস্সগ্গিযা পাচিত্তিযা নিট্ঠিতা। ৪. পাচিত্তিযকণ্ডং ১. লসুণৰগ্গো ২৩১. লসুণং খাদন্তী দ্ৰে আপত্তিযো আপজ্জতি। খাদিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাচিত্তিযস্স। সম্বাধে লোমং সংহরাপেন্তী দ্ৰে আপত্তিযো আপজ্জতি। সংহরাপেতি, পযোগে দুক্কটং; সংহরাপিতে আপত্তি পাচিত্তিযস্স। তলঘাতকং করোন্তী দ্ৰে আপত্তিযো আপজ্জতি। করোতি, পযোগে দুক্কটং; কতে আপত্তি পাচিত্তিযস্স। জতুমট্ঠকং আদিযন্তী দ্ৰে আপত্তিযো আপজ্জতি। আদিযতি, পযোগে দুক্কটং, আদিন্নে আপত্তি পাচিত্তিযস্স। অতিরেকদ্ৰঙ্গুলপব্বপরমং উদকসুদ্ধিকং আদিযন্তী দ্ৰে আপত্তিযো আপজ্জতি। আদিযতি, পযোগে দুক্কটং; আদিন্নে আপত্তি পাচিত্তিযস্স। ভিক্খুস্স ভুঞ্জন্তস্স পানীযেন ৰা ৰিধূপনেন ৰা উপতিট্ঠন্তী দ্ৰে আপত্তিযো আপজ্জতি। হত্থপাসে তিট্ঠতি, আপত্তি পাচিত্তিযস্স; হত্থপাসং ৰিজহিত্ৰা তিট্ঠতি, আপত্তি দুক্কটস্স। আমকধঞ্ঞং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাচিত্তিযস্স। উচ্চারং ৰা পস্সাৰং ৰা সঙ্কারং ৰা ৰিঘাসং ৰা তিরোকুট্টে ৰা তিরোপাকারে ৰা ছড্ডেন্তী দ্ৰে আপত্তিযো আপজ্জতি। ছড্ডেতি, পযোগে দুক্কটং; ছড্ডিতে আপত্তি পাচিত্তিযস্স। উচ্চারং ৰা পস্সাৰং ৰা সঙ্কারং ৰা ৰিঘাসং ৰা হরিতে ছড্ডেন্তী দ্ৰে আপত্তিযো আপজ্জতি। ছড্ডেতি, পযোগে দুক্কটং; ছড্ডিতে আপত্তি পাচিত্তিযস্স। নচ্চং ৰা গীতং ৰা ৰাদিতং ৰা দস্সনায গচ্ছন্তী দ্ৰে আপত্তিযো আপজ্জতি। গচ্ছতি, আপত্তি দুক্কটস্স; যত্থ ঠিতা পস্সতি ৰা সুণাতি ৰা, আপত্তি পাচিত্তিযস্স। লসুণৰগ্গো পঠমো। ২. রত্তন্ধকারৰগ্গো ২৩২. রত্তন্ধকারে অপ্পদীপে পুরিসেন সদ্ধিং একেনেকা সন্তিট্ঠন্তী দ্ৰে আপত্তিযো আপজ্জতি। হত্থপাসে তিট্ঠতি, আপত্তি পাচিত্তিযস্স; হত্থপাসং ৰিজহিত্ৰা তিট্ঠতি, আপত্তি দুক্কটস্স। পটিচ্ছন্নে ওকাসে পুরিসেন সদ্ধিং একেনেকা সন্তিট্ঠন্তী দ্ৰে আপত্তিযো আপজ্জতি। হত্থপাসে তিট্ঠতি, আপত্তি পাচিত্তিযস্স; হত্থপাসং ৰিজহিত্ৰা তিট্ঠতি, আপত্তি দুক্কটস্স। অজ্ঝোকাসে পুরিসেন সদ্ধিং একেনেকা সন্তিট্ঠন্তী দ্ৰে আপত্তিযো আপজ্জতি। হত্থপাসে তিট্ঠতি, আপত্তি পাচিত্তিযস্স; হত্থপাসং ৰিজহিত্ৰা তিট্ঠতি, আপত্তি দুক্কটস্স। রথিকায ৰা ব্যূহে ৰা সিঙ্ঘাটকে ৰা পুরিসেন সদ্ধিং একেনেকা সন্তিট্ঠন্তী দ্ৰে আপত্তিযো আপজ্জতি। হত্থপাসে তিট্ঠতি, আপত্তি পাচিত্তিযস্স; হত্থপাসং ৰিজহিত্ৰা তিট্ঠতি, আপত্তি দুক্কটস্স। পুরেভত্তং কুলানি উপসঙ্কমিত্ৰা আসনে নিসীদিত্ৰা সামিকে অনাপুচ্ছা পক্কমন্তী দ্ৰে আপত্তিযো আপজ্জতি। পঠমং পাদং অনোৰস্সকং অতিক্কামেতি, আপত্তি দুক্কটস্স; দুতিযং পাদং অতিক্কামেতি, আপত্তি পাচিত্তিযস্স। পচ্ছাভত্তং কুলানি উপসঙ্কমিত্ৰা সামিকে অনাপুচ্ছা আসনে নিসীদন্তী দ্ৰে আপত্তিযো আপজ্জতি। নিসীদতি, পযোগে দুক্কটং; নিসিন্নে আপত্তি পাচিত্তিযস্স। ৰিকালে কুলানি উপসঙ্কমিত্ৰা সামিকে অনাপুচ্ছা সেয্যং সন্থরিত্ৰা ৰা সন্থরাপেত্ৰা ৰা অভিনিসীদন্তী দ্ৰে আপত্তিযো আপজ্জতি। অভিনিসীদতি, পযোগে দুক্কটং; অভিনিসিন্নে আপত্তি পাচিত্তিযস্স। দুগ্গহিতেন দূপধারিতেন পরং উজ্ঝাপেন্তী দ্ৰে আপত্তিযো আপজ্জতি। উজ্ঝাপেতি, পযোগে দুক্কটং; উজ্ঝাপিতে আপত্তি পাচিত্তিযস্স। অত্তানং ৰা পরং ৰা নিরযেন ৰা ব্রহ্মচরিযেন ৰা অভিসপন্তী দ্ৰে আপত্তিযো আপজ্জতি। অভিসপতি, পযোগে দুক্কটং; অভিসপিতে আপত্তি পাচিত্তিযস্স। অত্তানং ৰধিত্ৰা ৰধিত্ৰা রোদন্তী দ্ৰে আপত্তিযো আপজ্জতি। ৰধতি রোদতি, আপত্তি পাচিত্তিযস্স; ৰধতি ন রোদতি, আপত্তি দুক্কটস্স। রত্তন্ধকারৰগ্গো দুতিযো। ৩. নহানৰগ্গো ২৩৩. নগ্গা নহাযন্তী দ্ৰে আপত্তিযো আপজ্জতি। নহাযতি, পযোগে দুক্কটং; নহানপরিযোসানে আপত্তি পাচিত্তিযস্স। পমাণাতিক্কন্তং উদকসাটিকং কারাপেন্তী দ্ৰে আপত্তিযো আপজ্জতি। কারাপেতি, পযোগে দুক্কটং; কারাপিতে, আপত্তি পাচিত্তিযস্স। ভিক্খুনিযা চীৰরং ৰিসিব্বেত্ৰা ৰা ৰিসিব্বাপেত্ৰা ৰা নেৰ সিব্বেন্তী ন সিব্বাপনায উস্সুক্কং করোন্তী একং আপত্তিং আপজ্জতি। পাচিত্তিযং। পঞ্চাহিকং সঙ্ঘাটিচারং অতিক্কামেন্তী একং আপত্তিং আপজ্জতি। পাচিত্তিযং। চীৰরসঙ্কমনীযং ধারেন্তী দ্ৰে আপত্তিযো আপজ্জতি। ধারেতি, পযোগে দুক্কটং; ধারিতে, আপত্তি পাচিত্তিযস্স। গণস্স চীৰরলাভং অন্তরাযং করোন্তী দ্ৰে আপত্তিযো আপজ্জতি। করোতি, পযোগে দুক্কটং; কতে, আপত্তি পাচিত্তিযস্স। ধম্মিকং চীৰরৰিভঙ্গং পটিবাহন্তী দ্ৰে আপত্তিযো আপজ্জতি। পটিবাহতি, পযোগে দুক্কটং; পটিবাহিতে, আপত্তি পাচিত্তিযস্স। অগারিকস্স ৰা পরিব্বাজকস্স ৰা পরিব্বাজিকায ৰা সমণচীৰরং দেন্তী দ্ৰে আপত্তিযো আপজ্জতি। দেতি, পযোগে দুক্কটং; দিন্নে, আপত্তি পাচিত্তিযস্স। দুব্বলচীৰরপচ্চাসা চীৰরকালসমযং অতিক্কামেন্তী দ্ৰে আপত্তিযো আপজ্জতি। অতিক্কামেতি, পযোগে দুক্কটং; অতিক্কামিতে, আপত্তি পাচিত্তিযস্স। ধম্মিকং কথিনুদ্ধারং পটিবাহন্তী দ্ৰে আপত্তিযো আপজ্জতি। পটিবাহতি, পযোগে দুক্কটং; পটিবাহিতে, আপত্তি পাচিত্তিযস্স। নহানৰগ্গো ততিযো। ৪. তুৰট্টৰগ্গো ২৩৪. দ্ৰে ভিক্খুনিযো একমঞ্চে তুৰট্টেন্তিযো দ্ৰে আপত্তিযো আপজ্জন্তি। নিপজ্জন্তি, পযোগে দুক্কটং; নিপন্নে, আপত্তি পাচিত্তিযস্স। দ্ৰে ভিক্খুনিযো একত্থরণপাৰুরণা তুৰট্টেন্তিযো দ্ৰে আপত্তিযো আপজ্জন্তি। নিপজ্জন্তি, পযোগে দুক্কটং; নিপন্নে, আপত্তি পাচিত্তিযস্স। ভিক্খুনিযা সঞ্চিচ্চ অফাসুং করোন্তী দ্ৰে আপত্তিযো আপজ্জতি। করোতি, পযোগে দুক্কটং; কতে, আপত্তি পাচিত্তিযস্স। দুক্খিতং সহজীৰিনিং নেৰ উপট্ঠেন্তী ন উপট্ঠাপনায উস্সুক্কং করোন্তী একং আপত্তিং আপজ্জতি। পাচিত্তিযং। ভিক্খুনিযা উপস্সযং দত্ৰা কুপিতা অনত্তমনা নিক্কড্ঢন্তী দ্ৰে আপত্তিযো আপজ্জতি। নিক্কড্ঢতি, পযোগে দুক্কটং; নিক্কড্ঢিতে, আপত্তি পাচিত্তিযস্স। সংসট্ঠা ভিক্খুনী যাৰততিযং সমনুভাসনায ন পটিনিস্সজ্জন্তী দ্ৰে আপত্তিযো আপজ্জতি। ঞত্তিযা দুক্কটং; কম্মৰাচাপরিযোসানে আপত্তি পাচিত্তিযস্স। অন্তোরট্ঠে সাসঙ্কসম্মতে সপ্পটিভযে অসত্থিকা চারিকং চরন্তী দ্ৰে আপত্তিযো আপজ্জতি। পটিপজ্জতি, পযোগে দুক্কটং; পটিপন্নে, আপত্তি পাচিত্তিযস্স। তিরোরট্ঠে সাসঙ্কসম্মতে সপ্পটিভযে অসত্থিকা চারিকং চরন্তী দ্ৰে আপত্তিযো আপজ্জতি। পটিপজ্জতি, পযোগে দুক্কটং; পটিপন্নে, আপত্তি পাচিত্তিযস্স। অন্তোৰস্সং চারিকং চরন্তী দ্ৰে আপত্তিযো আপজ্জতি। পটিপজ্জতি, পযোগে দুক্কটং; পটিপন্নে, আপত্তি পাচিত্তিযস্স। ৰস্সংৰুট্ঠা ভিক্খুনী চারিকং ন পক্কমন্তী একং আপত্তিং আপজ্জতি। পাচিত্তিযং। তুৰট্টৰগ্গো চতুত্থো। ৫. চিত্তাগারৰগ্গো ২৩৫. রাজাগারং ৰা চিত্তাগারং ৰা আরামং ৰা উয্যানং ৰা পোক্খরণিং ৰা দস্সনায গচ্ছন্তী দ্ৰে আপত্তিযো আপজ্জতি। গচ্ছতি, আপত্তি দুক্কটস্স; যত্থ ঠিতা পস্সতি, আপত্তি পাচিত্তিযস্স। আসন্দিং ৰা পল্লঙ্কং ৰা পরিভুঞ্জন্তী দ্ৰে আপত্তিযো আপজ্জতি। পরিভুঞ্জতি, পযোগে দুক্কটং; পরিভুত্তে, আপত্তি পাচিত্তিযস্স। সুত্তং কন্তন্তী দ্ৰে আপত্তিযো আপজ্জতি। কন্ততি, পযোগে দুক্কটং; উজ্জৰুজ্জৰে, আপত্তি পাচিত্তিযস্স। গিহিৰেয্যাৰচ্চং করোন্তী দ্ৰে আপত্তিযো আপজ্জতি। করোতি, পযোগে দুক্কটং; কতে, আপত্তি পাচিত্তিযস্স। ভিক্খুনিযা – ‘‘এহায্যে ইমং অধিকরণং ৰূপসমেহী’’তি ৰুচ্চমানা – ‘‘সাধূ’’তি পটিস্সুণিত্ৰা নেৰ ৰূপসমেন্তী ন ৰূপসমায উস্সুক্কং করোন্তী একং আপত্তিং আপজ্জতি। পাচিত্তিযং। অগারিকস্স ৰা পরিব্বাজকস্স ৰা পরিব্বাজিকায ৰা সহত্থা খাদনীযং ৰা ভোজনীযং ৰা দেন্তী দ্ৰে আপত্তিযো আপজ্জতি। দেতি, পযোগে দুক্কটং; দিন্নে, আপত্তি পাচিত্তিযস্স। আৰসথচীৰরং অনিস্সজ্জিত্ৰা পরিভুঞ্জন্তী দ্ৰে আপত্তিযো আপজ্জতি। পরিভুঞ্জতি, পযোগে দুক্কটং; পরিভুত্তে, আপত্তি পাচিত্তিযস্স। আৰসথং অনিস্সজ্জিত্ৰা চারিকং পক্কমন্তী দ্ৰে আপত্তিযো আপজ্জতি। পঠমং পাদং পরিক্খেপং অতিক্কামেতি, আপত্তি দুক্কটস্স; দুতিযং পাদং অতিক্কামেতি, আপত্তি পাচিত্তিযস্স। তিরচ্ছানৰিজ্জং পরিযাপুণন্তী দ্ৰে আপত্তিযো আপজ্জতি। পরিযাপুণাতি, পযোগে দুক্কটং; পদে পদে আপত্তি পাচিত্তিযস্স। তিরচ্ছানৰিজ্জং ৰাচেন্তী দ্ৰে আপত্তিযো আপজ্জতি। ৰাচেতি, পযোগে দুক্কটং; পদে পদে আপত্তি পাচিত্তিযস্স। চিত্তাগারৰগ্গো পঞ্চমো। ৬. আরামৰগ্গো ২৩৬. জানং সভিক্খুকং আরামং অনাপুচ্ছা পৰিসন্তী দ্ৰে আপত্তিযো আপজ্জতি। পঠমং পাদং পরিক্খেপং অতিক্কামেতি, আপত্তি দুক্কটস্স; দুতিযং পাদং অতিক্কামেতি, আপত্তি পাচিত্তিযস্স। ভিক্খুং অক্কোসন্তী পরিভাসন্তী দ্ৰে আপত্তিযো আপজ্জতি। অক্কোসতি, পযোগে দুক্কটং; অক্কোসিতে, আপত্তি পাচিত্তিযস্স। চণ্ডীকতা গণং পরিভাসন্তী দ্ৰে আপত্তিযো আপজ্জতি। পরিভাসতি, পযোগে দুক্কটং; পরিভাসিতে, আপত্তি পাচিত্তিযস্স। নিমন্তিতা ৰা পৰারিতা ৰা খাদনীযং ৰা ভোজনীযং ৰা ভুঞ্জন্তী দ্ৰে আপত্তিযো আপজ্জতি। ‘‘খাদিস্সামি ভুঞ্জিস্সামী’’তি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাচিত্তিযস্স। কুলং মচ্ছরাযন্তী দ্ৰে আপত্তিযো আপজ্জতি। মচ্ছরাযতি, পযোগে দুক্কটং; মচ্ছরিতে, আপত্তি পাচিত্তিযস্স। অভিক্খুকে আৰাসে ৰস্সং ৰসন্তী দ্ৰে আপত্তিযো আপজ্জতি। ‘‘ৰস্সং ৰসিস্সামী’’তি সেনাসনং পঞ্ঞপেতি পানীযং পরিভোজনীযং উপট্ঠপেতি পরিৰেণং সম্মজ্জতি, আপত্তি দুক্কটস্স; সহ অরুণুগ্গমনা আপত্তি পাচিত্তিযস্স। ৰস্সংৰুট্ঠা ভিক্খুনী উভতোসঙ্ঘে তীহি ঠানেহি ন পৰারেন্তী একং আপত্তিং আপজ্জতি। পাচিত্তিযং। ওৰাদায ৰা সংৰাসায ৰা ন গচ্ছন্তী একং আপত্তিং আপজ্জতি। পাচিত্তিযং। উপোসথম্পি ন পুচ্ছন্তী ওৰাদম্পি ন যাচন্তী একং আপত্তিং আপজ্জতি। পাচিত্তিযং। পসাখে জাতং গণ্ডং ৰা রুধিতং ৰা অনপলোকেত্ৰা সঙ্ঘং ৰা গণং ৰা পুরিসেন সদ্ধিং একেনেকা ভেদাপেন্তী দ্ৰে আপত্তিযো আপজ্জতি। ভেদাপেতি, পযোগে দুক্কটং; ভিন্নে, আপত্তি পাচিত্তিযস্স। আরামৰগ্গো ছট্ঠো। ৭. গব্ভিনীৰগ্গো ২৩৭. গব্ভিনিং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। পাযন্তিং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। দ্ৰে ৰস্সানি ছসু ধম্মেসু অসিক্খিতসিক্খং সিক্খমানং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। দ্ৰে ৰস্সানি ছসু ধম্মেসু সিক্খিতসিক্খং সিক্খমানং সঙ্ঘেন অসম্মতং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। ঊনদ্ৰাদসৰস্সং গিহিগতং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। পরিপুণ্ণদ্ৰাদসৰস্সং গিহিগতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। সহজীৰিনিং ৰুট্ঠাপেত্ৰা দ্ৰে ৰস্সানি নেৰ অনুগ্গণ্হন্তী নানুগ্গণ্হাপেন্তী একং আপত্তিং আপজ্জতি। পাচিত্তিযং। ৰুট্ঠাপিতং পৰত্তিনিং দ্ৰে ৰস্সানি নানুবন্ধন্তী একং আপত্তিং আপজ্জতি। পাচিত্তিযং। সহজীৰিনিং ৰুট্ঠাপেত্ৰা নেৰ ৰূপকাসেন্তী ন ৰূপকাসাপেন্তী একং আপত্তিং আপজ্জতি। পাচিত্তিযং। গব্ভিনীৰগ্গো সত্তমো। ৮. কুমারীভূতৰগ্গো ২৩৮. ঊনৰীসতিৰস্সং কুমারিভূতং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। পরিপুণ্ণৰীসতিৰস্সং কুমারিভূতং দ্ৰে ৰস্সানি ছসু ধম্মেসু অসিক্খিতসিক্খং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। পরিপুণ্ণৰীসতিৰস্সং কুমারিভূতং দ্ৰে ৰস্সানি ছসু ধম্মেসু সিক্খিতসিক্খং সঙ্ঘেন অসম্মতং ৰুট্ঠাপেন্তী দ্ৰে আপত্তিযো আপজ্জতি । ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। ঊনদ্ৰাদসৰস্সা ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। পরিপুণ্ণদ্ৰাদসৰস্সা সঙ্ঘেন অসম্মতা ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। ‘‘অলং তাৰ তে, অয্যে, ৰুট্ঠাপিতেনা’’তি ৰুচ্চমানা ‘‘সাধূ’’তি পটিস্সুণিত্ৰা পচ্ছা খীযনধম্মং আপজ্জন্তী দ্ৰে আপত্তিযো আপজ্জতি। খিয্যতি, পযোগে দুক্কটং; খিয্যিতে, আপত্তি পাচিত্তিযস্স। সিক্খমানং – ‘‘সচে মে ত্ৰং, অয্যে, চীৰরং দস্সসি, এৰাহং তং ৰুট্ঠাপেস্সামী’’তি ৰত্ৰা নেৰ ৰুট্ঠাপেন্তী ন ৰুট্ঠাপনায উস্সুক্কং করোন্তী একং আপত্তিং আপজ্জতি। পাচিত্তিযং। সিক্খমানং – ‘‘সচে মং ত্ৰং, অয্যে, দ্ৰে ৰস্সানি অনুবন্ধিস্সসি, এৰাহং তং ৰুট্ঠাপেস্সামী’’তি ৰত্ৰা নেৰ ৰুট্ঠাপেন্তী ন ৰুট্ঠাপনায উস্সুক্কং করোন্তী একং আপত্তিং আপজ্জতি। পাচিত্তিযং। পুরিসসংসট্ঠং কুমারকসংসট্ঠং চণ্ডিং সোকাৰাসং সিক্খমানং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। মাতাপিতূহি ৰা সামিকেন ৰা অননুঞ্ঞাতং সিক্খমানং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। পারিৰাসিকছন্দদানে সিক্খমানং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। অনুৰস্সং ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। একং ৰস্সং দ্ৰে ৰুট্ঠাপেন্তী দ্ৰে আপত্তিযো আপজ্জতি। ৰুট্ঠাপেতি, পযোগে দুক্কটং; ৰুট্ঠাপিতে, আপত্তি পাচিত্তিযস্স। কুমারীভূতৰগ্গো অট্ঠমো। ৯. ছত্তুপাহনৰগ্গো ২৩৯. ছত্তুপাহনং ধারেন্তী দ্ৰে আপত্তিযো আপজ্জতি। ধারেতি, পযোগে দুক্কটং; ধারিতে, আপত্তি পাচিত্তিযস্স। যানেন যাযন্তী দ্ৰে আপত্তিযো আপজ্জতি। যাযতি, পযোগে দুক্কটং; যাযিতে, আপত্তি পাচিত্তিযস্স। সঙ্ঘাণিং ধারেন্তী দ্ৰে আপত্তিযো আপজ্জতি। ধারেতি, পযোগে দুক্কটং; ধারিতে, আপত্তি পাচিত্তিযস্স। ইত্থালঙ্কারং ধারেন্তী দ্ৰে আপত্তিযো আপজ্জতি। ধারেতি, পযোগে দুক্কটং; ধারিতে, আপত্তি পাচিত্তিযস্স। গন্ধৰণ্ণকেন নহাযন্তী দ্ৰে আপত্তিযো আপজ্জতি। নহাযতি , পযোগে দুক্কটং; নহানপরিযোসানে, আপত্তি পাচিত্তিযস্স। ৰাসিতকেন পিঞ্ঞাকেন নহাযন্তী দ্ৰে আপত্তিযো আপজ্জতি। নহাযতি, পযোগে দুক্কটং; নহানপরিযোসানে, আপত্তি পাচিত্তিযস্স। ভিক্খুনিযা উম্মদ্দাপেন্তী পরিমদ্দাপেন্তী দ্ৰে আপত্তিযো আপজ্জতি। উম্মদ্দাপেতি, পযোগে দুক্কটং; উম্মদ্দিতে, আপত্তি পাচিত্তিযস্স। সিক্খমানায উম্মদ্দাপেন্তী পরিমদ্দাপেন্তী দ্ৰে আপত্তিযো আপজ্জতি। উম্মদ্দাপেতি, পযোগে দুক্কটং; উম্মদ্দিতে, আপত্তি পাচিত্তিযস্স। সামণেরিযা উম্মদ্দাপেন্তী পরিমদ্দাপেন্তী দ্ৰে আপত্তিযো আপজ্জতি। উম্মদ্দাপেতি, পযোগে দুক্কটং; উম্মদ্দিতে, আপত্তি পাচিত্তিযস্স। গিহিনিযা উম্মদ্দাপেন্তী পরিমদ্দাপেন্তী দ্ৰে আপত্তিযো আপজ্জতি। উম্মদ্দাপেতি, পযোগে দুক্কটং; উম্মদ্দিতে, আপত্তি পাচিত্তিযস্স। ভিক্খুস্স পুরতো অনাপুচ্ছা আসনে নিসীদন্তী দ্ৰে আপত্তিযো আপজ্জতি। নিসীদতি, পযোগে দুক্কটং; নিসিন্নে, আপত্তি পাচিত্তিযস্স। অনোকাসকতং ভিক্খুং পঞ্হং পুচ্ছন্তী দ্ৰে আপত্তিযো আপজ্জতি। পুচ্ছতি, পযোগে দুক্কটং; পুচ্ছিতে, আপত্তি পাচিত্তিযস্স। অসঙ্কচ্চিকা গামং পৰিসন্তী দ্ৰে আপত্তিযো আপজ্জতি। পঠমং পাদং পরিক্খেপং অতিক্কামেতি, আপত্তি দুক্কটস্স; দুতিযং পাদং অতিক্কামেতি, আপত্তি পাচিত্তিযস্স। ছত্তুপাহনৰগ্গো নৰমো। খুদ্দকং নিট্ঠিতং। ৫. পাটিদেসনীযকণ্ডং ২৪০. সপ্পিং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। তেলং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। মধুং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। ফাণিতং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। মচ্ছং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। মংসং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। খীরং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। দধিং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স। অট্ঠ পাটিদেসনীযা নিট্ঠিতা। কতাপত্তিৰারো নিট্ঠিতো দুতিযো। ৩. ৰিপত্তিৰারো ২৪১. অৰস্সুতা ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো চতুন্নং ৰিপত্তীনং কতি ৰিপত্তিযো ভজন্তি? অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং, সিযা আচারৰিপত্তিং…পে॰…। দধিং ৰিঞ্ঞাপেত্ৰা ভুঞ্জন্তিযা আপত্তিযো চতুন্নং ৰিপত্তীনং কতি ৰিপত্তিযো ভজন্তি? দধিং ৰিঞ্ঞাপেত্ৰা ভুঞ্জন্তিযা আপত্তিযো চতুন্নং ৰিপত্তীনং একং ৰিপত্তিং ভজন্তি – আচারৰিপত্তিং। ৰিপত্তিৰারো নিট্ঠিতো ততিযো। ৪. সঙ্গহৰারো ২৪২. অৰস্সুতা ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো সত্তন্নং আপত্তিক্খন্ধানং তীহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা দুক্কটাপত্তিক্খন্ধেন…পে॰…। দধিং ৰিঞ্ঞাপেত্ৰা ভুঞ্জন্তিযা আপত্তিযো সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? দধিং ৰিঞ্ঞাপেত্ৰা ভুঞ্জন্তিযা আপত্তিযো সত্তন্নং আপত্তিক্খন্ধানং দ্ৰীহি আপত্তিক্খন্ধেহি সঙ্গহিতা – সিযা পাটিদেসনীযাপত্তিক্খন্ধেন, সিযা দুক্কটাপত্তিক্খন্ধেন। সঙ্গহৰারো নিট্ঠিতো চতুত্থো। ৫. সমুট্ঠানৰারো ২৪৩. অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো…পে॰…। দধিং ৰিঞ্ঞাপেত্ৰা ভুঞ্জন্তিযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? দধিং ৰিঞ্ঞাপেত্ৰা ভুঞ্জন্তিযা আপত্তিযো ছন্নং আপত্তিসমুট্ঠানানং চতূহি সমুট্ঠানেহি সমুট্ঠন্তি – সিযা কাযতো সমুট্ঠন্তি, ন ৰাচতো ন চিত্ততো; সিযা কাযতো চ ৰাচতো চ সমুট্ঠন্তি, ন চিত্ততো; সিযা কাযতো চ চিত্ততো চ সমুট্ঠন্তি, ন ৰাচতো; সিযা কাযতো চ ৰাচতো চ চিত্ততো চ সমুট্ঠন্তি। সমুট্ঠানৰারো নিট্ঠিতো পঞ্চমো। ৬. অধিকরণৰারো ২৪৪. অৰস্সুতা ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো চতুন্নং অধিকরণানং কতমং অধিকরণং? অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো চতুন্নং অধিকরণানং – আপত্তাধিকরণং…পে॰…। দধিং ৰিঞ্ঞাপেত্ৰা ভুঞ্জন্তিযা আপত্তিযো চতুন্নং অধিকরণানং কতমং অধিকরণং? দধিং ৰিঞ্ঞাপেত্ৰা ভুঞ্জন্তিযা আপত্তিযো চতুন্নং অধিকরণানং – আপত্তাধিকরণং। অধিকরণৰারো নিট্ঠিতো ছট্ঠো। ৭. সমথৰারো ২৪৫. অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো সত্তন্নং সমথানং কতিহি সমথেহি সম্মন্তি? অৰস্সুতায ভিক্খুনিযা অৰস্সুতস্স পুরিসপুগ্গলস্স কাযসংসগ্গং সাদিযন্তিযা আপত্তিযো সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ…পে॰…। দধিং ৰিঞ্ঞাপেত্ৰা ভুঞ্জন্তিযা আপত্তিযো সত্তন্নং সমথানং কতিহি সমথেহি সম্মন্তি? দধিং ৰিঞ্ঞাপেত্ৰা ভুঞ্জন্তিযা আপত্তিযো সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ। সমথৰারো নিট্ঠিতো সত্তমো। ৮. সমুচ্চযৰারো ২৪৬. অৰস্সুতা ভিক্খুনী অৰস্সুতস্স পুরিসপুগ্গলস্স কাযসংসগ্গং সাদিযন্তী কতি আপত্তিযো আপজ্জতি? অৰস্সুতা ভিক্খুনী অৰস্সুতস্স পুরিসপুগ্গলস্স কাযসংসগ্গং সাদিযন্তী তিস্সো আপত্তিযো আপজ্জতি। অধক্খকং উব্ভজাণুমণ্ডলং গহণং সাদিযতি, আপত্তি পারাজিকস্স; উব্ভক্খকং অধোজাণুমণ্ডলং গহণং সাদিযতি, আপত্তি থুল্লচ্চযস্স; কাযপটিবদ্ধং গহণং সাদিযতি, আপত্তি দুক্কটস্স – অৰস্সুতা ভিক্খুনী অৰস্সুতস্স পুরিসপুগ্গলস্স কাযসংসগ্গং সাদিযন্তী ইমা তিস্সো আপত্তিযো আপজ্জতি। তা আপত্তিযো চতুন্নং ৰিপত্তীনং কতি ৰিপত্তিযো ভজন্তি? সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? চতুন্নং অধিকরণানং কতমং অধিকরণং? সত্তন্নং সমথানং কতিহি সমথেহি সম্মন্তি? তা আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং, সিযা আচারৰিপত্তিং। সত্তন্নং আপত্তিক্খন্ধানং তীহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা দুক্কটাপত্তিক্খন্ধেন। ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো। চতুন্নং অধিকরণানং আপত্তাধিকরণং। সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ…পে॰…। দধিং ৰিঞ্ঞাপেত্ৰা ভুঞ্জন্তী কতি আপত্তিযো আপজ্জতি? দধিং ৰিঞ্ঞাপেত্ৰা ভুঞ্জন্তী দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স – দধিং ৰিঞ্ঞাপেত্ৰা ভুঞ্জন্তী ইমা দ্ৰে আপত্তিযো আপজ্জতি। তা আপত্তিযো চতুন্নং ৰিপত্তীনং কতি ৰিপত্তিযো ভজন্তি? সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? চতুন্নং অধিকরণানং কতমং অধিকরণং? সত্তন্নং সমথানং কতিহি সমথেহি সম্মন্তি? তা আপত্তিযো চতুন্নং ৰিপত্তীনং একং ৰিপত্তিং ভজন্তি – আচারৰিপত্তিং। সত্তন্নং আপত্তিক্খন্ধানং দ্ৰীহি আপত্তিক্খন্ধেহি সঙ্গহিতা – সিযা পাটিদেসনীযাপত্তিক্খন্ধেন, সিযা দুক্কটাপত্তিক্খন্ধেন। ছন্নং আপত্তিসমুট্ঠানানং চতূহি সমুট্ঠানেহি সমুট্ঠন্তি – সিযা কাযতো সমুট্ঠন্তি ন ৰাচতো ন চিত্ততো, সিযা কাযতো চ ৰাচতো চ সমুট্ঠন্তি ন চিত্ততো, সিযা কাযতো চ চিত্ততো চ সমুট্ঠন্তি ন ৰাচতো, সিযা কাযতো চ ৰাচতো চ চিত্ততো চ সমুট্ঠন্তি। চতুন্নং অধিকরণানং – আপত্তাধিকরণং। সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ। সমুচ্চযৰারো নিট্ঠিতো অট্ঠমো। ১. কত্থপঞ্ঞত্তিৰারো ১. পারাজিককণ্ডং ২৪৭. যং তেন ভগৰতা জানতা পস্সতা অরহতা সম্মাসম্বুদ্ধেন কাযসংসগ্গং সাদিযনপচ্চযা পারাজিকং কত্থ পঞ্ঞত্তং? কং আরব্ভ? কিস্মিং ৰত্থুস্মিং…পে॰… কেনাভতন্তি? যং তেন ভগৰতা জানতা পস্সতা অরহতা সম্মাসম্বুদ্ধেন কাযসংসগ্গং সাদিযনপচ্চযা পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? সুন্দরীনন্দং ভিক্খুনিং আরব্ভ। কিস্মিং ৰত্থুস্মিন্তি? সুন্দরীনন্দা ভিক্খুনী অৰস্সুতা অৰস্সুতস্স পুরিসপুগ্গলস্স কাযসংসগ্গং সাদিযি, তস্মিং ৰত্থুস্মিং। অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তীতি? একা পঞ্ঞত্তি। অনুপঞ্ঞত্তি অনুপ্পন্নপঞ্ঞত্তি তস্মিং নত্থি। সব্বত্থপঞ্ঞত্তি, পদেসপঞ্ঞত্তীতি? সব্বত্থপঞ্ঞত্তি। সাধারণপঞ্ঞত্তি, অসাধারণপঞ্ঞত্তীতি? অসাধারণপঞ্ঞত্তি। একতোপঞ্ঞত্তি, উভতোপঞ্ঞত্তীতি? একতোপঞ্ঞত্তি। চতুন্নং পাতিমোক্খুদ্দেসানং কত্থোগধং কত্থ পরিযাপন্নন্তি? নিদানোগধং নিদানপরিযাপন্নং? কতমেন উদ্দেসেন উদ্দেসং আগচ্ছতীতি? দুতিযেন উদ্দেসেন উদ্দেসং আগচ্ছতি। চতুন্নং ৰিপত্তীনং কতমা ৰিপত্তীতি? সীলৰিপত্তি। সত্তন্নং আপত্তিক্খন্ধানং কতমো আপত্তিক্খন্ধোতি ? পারাজিকাপত্তিক্খন্ধো। ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? একেন সমুট্ঠানেন সমুট্ঠাতি – কাযতো চ চিত্ততো চ সমুট্ঠাতি, ন ৰাচতো…পে॰… কেনাভতন্তি? পরম্পরাভতং – উপালি দাসকো চেৰ, সোণকো সিগ্গৰো তথা। মোগ্গলিপুত্তেন পঞ্চমা, এতে জম্বুসিরিৰ্হযে॥ …পে॰…। এতে নাগা মহাপঞ্ঞা, ৰিনযঞ্ঞূ মগ্গকোৰিদা। ৰিনযং দীপে পকাসেসুং, পিটকং তম্বপণ্ণিযাতি॥ ৰজ্জপ্পটিচ্ছাদনপচ্চযা পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী জানং পারাজিকং ধম্মং অজ্ঝাপন্নং ভিক্খুনিং নেৰত্তনা পটিচোদেসি ন গণস্স আরোচেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। যাৰততিযং সমনুভাসনায ন পটিনিস্সজ্জনপচ্চযা পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সমগ্গেন সঙ্ঘেন উক্খিত্তং অরিট্ঠং ভিক্খুং গদ্ধবাধিপুব্বং অনুৰত্তি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। অট্ঠমং ৰত্থুং পরিপূরণপচ্চযা পারাজিকং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো অট্ঠমং ৰত্থুং পরিপূরেসুং, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। পারাজিকা নিট্ঠিতা। ২. সঙ্ঘাদিসেসকণ্ডাদি ২৪৮. যং তেন ভগৰতা জানতা পস্সতা অরহতা সম্মাসম্বুদ্ধেন উস্সযৰাদিকায ভিক্খুনিযা অড্ডং করণপচ্চযা সঙ্ঘাদিসেসো কত্থ পঞ্ঞত্তো? কং আরব্ভ? কিস্মিং ৰত্থুস্মিং…পে॰… কেনাভতন্তি? যং তেন ভগৰতা জানতা পস্সতা অরহতা সম্মাসম্বুদ্ধেন উস্সযৰাদিকায ভিক্খুনিযা অড্ডং করণপচ্চযা সঙ্ঘাদিসেসো কত্থ পঞ্ঞত্তোতি ? সাৰত্থিযং পঞ্ঞত্তো। কং আরব্ভাতি ? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী উস্সযৰাদিকা ৰিহরি, তস্মিং ৰত্থুস্মিং। অত্থি তত্থ পঞ্ঞত্তি, অনুপঞ্ঞত্তি, অনুপ্পন্নপঞ্ঞত্তীতি? একা পঞ্ঞত্তি। অনুপঞ্ঞত্তি অনুপ্পন্নপঞ্ঞত্তি তস্মিং নত্থি। সব্বত্থপঞ্ঞত্তি, পদেসপঞ্ঞত্তীতি? সব্বত্থপঞ্ঞত্তি। সাধারণপঞ্ঞত্তি, অসাধারণপঞ্ঞত্তীতি? অসাধারণপঞ্ঞত্তি। একতোপঞ্ঞত্তি, উভতোপঞ্ঞত্তীতি? একতোপঞ্ঞত্তি। চতুন্নং পাতিমোক্খুদ্দেসানং কত্থোগধং কত্থ পরিযাপন্নন্তি? নিদানোগধং নিদানপরিযাপন্নং। কতমেন উদ্দেসেন উদ্দেসং আগচ্ছতীতি? ততিযেন উদ্দেসেন উদ্দেসং আগচ্ছতি। চতুন্নং ৰিপত্তীনং কতমা ৰিপত্তীতি? সীলৰিপত্তি। সত্তন্নং আপত্তিক্খন্ধানং কতমো আপত্তিক্খন্ধোতি? সঙ্ঘাদিসেসাপত্তিক্খন্ধো। ছন্নং আপত্তিসমুট্ঠানানং কতিহি সমুট্ঠানেহি সমুট্ঠাতীতি? দ্ৰীহি সমুট্ঠানেহি সমুট্ঠাতি – সিযা কাযতো চ ৰাচতো চ সমুট্ঠাতি, ন চিত্ততো; সিযা কাযতো চ ৰাচতো চিত্ততো চ সমুট্ঠাতি…পে॰… কেনাভতন্তি? পরম্পরাভতং – উপালি দাসকো চেৰ, সোণকো সিগ্গৰো তথা। মোগ্গলিপুত্তেন পঞ্চমা, এতে জম্বুসিরিৰ্হযে॥ …পে॰…। এতে নাগা মহাপঞ্ঞা, ৰিনযঞ্ঞূ মগ্গকোৰিদা। ৰিনযং দীপে পকাসেসুং, পিটকং তম্বপণ্ণিযাতি॥ চোরিং ৰুট্ঠাপনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী চোরিং ৰুট্ঠাপেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং দ্ৰীহি সমুট্ঠানেহি সমুট্ঠাতি – সিযা ৰাচতো চ চিত্ততো চ সমুট্ঠাতি, ন কাযতো; সিযা কাযতো চ ৰাচতো চ চিত্ততো চ সমুট্ঠাতি…পে॰…। একা গামন্তরং গমনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী একা গামন্তরং গচ্ছি, তস্মিং ৰত্থুস্মিং। একা পঞ্ঞত্তি, তিস্সো অনুপঞ্ঞত্তিযো। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। সমগ্গেন সঙ্ঘেন উক্খিত্তং ভিক্খুনিং ধম্মেন ৰিনযেন সত্থুসাসনেন অনপলোকেত্ৰা কারকসঙ্ঘং অনঞ্ঞায গণস্স ছন্দং ওসারণপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী সমগ্গেন সঙ্ঘেন উক্খিত্তং ভিক্খুনিং ধম্মেন ৰিনযেন সত্থুসাসনেন অনপলোকেত্ৰা কারকসঙ্ঘং অনঞ্ঞায গণস্স ছন্দং ওসারেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। অৰস্সুতায ভিক্খুনিযা অৰস্সুতস্স পুরিসপুগ্গলস্স হত্থতো খাদনীযং ৰা ভোজনীযং ৰা সহত্থা পটিগ্গহেত্ৰা ভুঞ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? সুন্দরীনন্দং ভিক্খুনিং আরব্ভ। কিস্মিং ৰত্থুস্মিন্তি? সুন্দরীনন্দা ভিক্খুনী অৰস্সুতা অৰস্সুতস্স পুরিসপুগ্গলস্স হত্থতো আমিসং পটিগ্গহেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – পঠমপারাজিকে…পে॰…। ‘‘কিং তে, অয্যে, এসো পুরিসপুগ্গলো করিস্সতি অৰস্সুতো ৰা অনৰস্সুতো ৰা, যতো ত্ৰং অনৰস্সুতা! ইঙ্ঘ, অয্যে, যং তে এসো পুরিসপুগ্গলো দেতি খাদনীযং ৰা ভোজনীযং ৰা তং ত্ৰং সহত্থা পটিগ্গহেত্ৰা খাদ ৰা ভুঞ্জ ৰা’’তি উয্যোজনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? অঞ্ঞতরং ভিক্খুনিং আরব্ভ। কিস্মিং ৰত্থুস্মিন্তি? অঞ্ঞতরা ভিক্খুনী – ‘‘কিং তে, অয্যে, এসো পুরিসপুগ্গলো করিস্সতি অৰস্সুতো ৰা অনৰস্সুতো ৰা, যতো ত্ৰং অনৰস্সুতা! ইঙ্ঘ, অয্যে, যং তে এসো পুরিসপুগ্গলো দেতি খাদনীযং ৰা ভোজনীযং ৰা তং ত্ৰং সহত্থা পটিগ্গহেত্ৰা খাদ ৰা ভুঞ্জ ৰা’’তি উয্যোজেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং তীহি সমুট্ঠানেহি সমুট্ঠাতি…পে॰…। কুপিতায অনত্তমনায ভিক্খুনিযা যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী কুপিতা অনত্তমনা এৰং অৰচ – ‘‘বুদ্ধং পচ্চাচিক্খামি, ধম্মং পচ্চাচিক্খামি, সঙ্ঘং পচ্চাচিক্খামি, সিক্খং পচ্চাচিক্খামী’’তি, তস্মিং ৰত্থুস্মিং । একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। কিস্মিঞ্চিদেৰ অধিকরণে পচ্চাকতায ভিক্খুনিযা যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? চণ্ডকাল়িং ভিক্খুনিং আরব্ভ। কিস্মিং ৰত্থুস্মিন্তি? চণ্ডকাল়ী ভিক্খুনী কিস্মিঞ্চিদেৰ অধিকরণে পচ্চাকতা কুপিতা অনত্তমনা এৰং অৰচ – ‘‘ছন্দগামিনিযো চ ভিক্খুনিযো, দোসগামিনিযো চ ভিক্খুনিযো, মোহগামিনিযো চ ভিক্খুনিযো, ভযগামিনিযো চ ভিক্খুনিযো’’তি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। সংসট্ঠানং ভিক্খুনীনং যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? সম্বহুলা ভিক্খুনিযো আরব্ভ। কিস্মিং ৰত্থুস্মিন্তি? সম্বহুলা ভিক্খুনিযো সংসট্ঠা ৰিহরিংসু, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। ‘‘সংসট্ঠা , অয্যে, তুম্হে ৰিহরথ। মা তুম্হে নানা ৰিহরিত্থা’’তি উয্যোজেন্তিযা যাৰততিযং সমনুভাসনায ন পটিনিস্সজ্জনপচ্চযা সঙ্ঘাদিসেসো কত্থ পঞ্ঞত্তোতি? সাৰত্থিযং পঞ্ঞত্তো। কং আরব্ভাতি? থুল্লনন্দং ভিক্খুনিং আরব্ভ। কিস্মিং ৰত্থুস্মিন্তি? থুল্লনন্দা ভিক্খুনী – ‘‘সংসট্ঠাৰ অয্যে, তুম্হে ৰিহরথ। মা তম্হে নানা ৰিহরিত্থা’’তি উয্যোজেসি, তস্মিং ৰত্থুস্মিং। একা পঞ্ঞত্তি। ছন্নং আপত্তিসমুট্ঠানানং একেন সমুট্ঠানেন সমুট্ঠাতি – ধুরনিক্খেপে…পে॰…। দধিং ৰিঞ্ঞাপেত্ৰা ভুঞ্জনপচ্চযা পাটিদেসনীযং কত্থ পঞ্ঞত্তন্তি? সাৰত্থিযং পঞ্ঞত্তং। কং আরব্ভাতি? ছব্বগ্গিযা ভিক্খুনিযো আরব্ভ। কিস্মিং ৰত্থুস্মিন্তি? ছব্বগ্গিযা ভিক্খুনিযো দধিং ৰিঞ্ঞাপেত্ৰা ভুঞ্জিংসু, তস্মিং ৰত্থুস্মিং। একা পঞ্ঞত্তি, একা অনুপঞ্ঞত্তি। ছন্নং আপত্তিসমুট্ঠানানং চতূহি সমুট্ঠানেহি সমুট্ঠাতি…পে॰… । কত্থপঞ্ঞত্তিৰারো নিট্ঠিতো পঠমো। ২. কতাপত্তিৰারো ১. পারাজিককণ্ডং ২৪৯. কাযসংসগ্গং সাদিযনপচ্চযা কতি আপত্তিযো আপজ্জতি? কাযসংসগ্গং সাদিযনপচ্চযা পঞ্চ আপত্তিযো আপজ্জতি। অৰস্সুতা ভিক্খুনী অৰস্সুতস্স পুরিসপুগ্গলস্স অধক্খকং উব্ভজাণুমণ্ডলং গহণং সাদিযতি, আপত্তি পারাজিকস্স; ভিক্খু কাযেন কাযং আমসতি, আপত্তি সঙ্ঘাদিসেসস্স; কাযেন কাযপটিবদ্ধং আমসতি, আপত্তি থুল্লচ্চযস্স; কাযপটিবদ্ধেন কাযপটিবদ্ধং আমসতি, আপত্তি দুক্কটস্স; অঙ্গুলিপতোদকে পাচিত্তিযং – কাযসংসগ্গং সাদিযনপচ্চযা ইমা পঞ্চ আপত্তিযো আপজ্জতি। ৰজ্জপ্পটিচ্ছাদনপচ্চযা কতি আপত্তিযো আপজ্জতি? ৰজ্জপ্পটিচ্ছাদনপচ্চযা চতস্সো আপত্তিযো আপজ্জতি। ভিক্খুনী জানং পারাজিকং ধম্মং [ধম্মং অজ্ঝাপন্নং (স্যা॰)] পটিচ্ছাদেতি, আপত্তি পারাজিকস্স; ৰেমতিকা পটিচ্ছাদেতি, আপত্তি থুল্লচ্চযস্স; ভিক্খু সঙ্ঘাদিসেসং পটিচ্ছাদেতি, আপত্তি পাচিত্তিযস্স; আচারৰিপত্তিং পটিচ্ছাদেতি, আপত্তি দুক্কটস্স – ৰজ্জপ্পটিচ্ছাদনপচ্চযা ইমা চতস্সো আপত্তিযো আপজ্জতি। যাৰততিযং সমনুভাসনায ন পটিনিস্সজ্জনপচ্চযা কতি আপত্তিযো আপজ্জতি? যাৰততিযং সমনুভাসনায ন পটিনিস্সজ্জনপচ্চযা পঞ্চ আপত্তিযো আপজ্জতি। উক্খিত্তানুৰত্তিকা ভিক্খুনী যাৰততিযং সমনুভাসনায ন পটিনিস্সজ্জতি, ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি পারাজিকস্স; ভেদকানুৰত্তিকা ভিক্খুনী যাৰততিযং সমনুভাসনায ন পটিনিস্সজ্জতি, আপত্তি সঙ্ঘাদিসেসস্স; পাপিকায দিট্ঠিযা যাৰততিযং সমনুভাসনায ন পটিনিস্সজ্জতি, আপত্তি পাচিত্তিযস্স – যাৰততিযং সমনুভাসনায ন পটিনিস্সজ্জনপচ্চযা ইমা পঞ্চ আপত্তিযো আপজ্জতি। অট্ঠমং ৰত্থুং পরিপূরণপচ্চযা কতি আপত্তিযো আপজ্জতি? অট্ঠমং ৰত্থুং পরিপূরণপচ্চযা তিস্সো আপত্তিযো আপজ্জতি। পুরিসেন – ‘‘ইত্থন্নামং ওকাসং আগচ্ছা’’তি ৰুত্তা গচ্ছতি, আপত্তি দুক্কটস্স; পুরিসস্স হত্থপাসং ওক্কন্তমত্তে আপত্তি থুল্লচ্চযস্স; অট্ঠমং ৰত্থুং পরিপূরেতি, আপত্তি পারাজিকস্স – অট্ঠমং ৰত্থুং পরিপূরণপচ্চযা ইমা তিস্সো আপত্তিযো আপজ্জতি। পারাজিকা নিট্ঠিতা। ২. সঙ্ঘাদিসেসকণ্ডাদি ২৫০. উস্সযৰাদিকা ভিক্খুনী অড্ডং করণপচ্চযা তিস্সো আপত্তিযো আপজ্জতি। একস্স আরোচেতি, আপত্তি দুক্কটস্স; দুতিযস্স আরোচেতি, আপত্তি থুল্লচ্চযস্স; অড্ডপরিযোসানে আপত্তি সঙ্ঘাদিসেসস্স। চোরিং ৰুট্ঠাপনপচ্চযা তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। একা গামন্তরং গমনপচ্চযা তিস্সো আপত্তিযো আপজ্জতি। গচ্ছতি, আপত্তি দুক্কটস্স; পঠমং পাদং পরিক্খেপং অতিক্কামেতি, আপত্তি থুল্লচ্চযস্স; দুতিযং পাদং অতিক্কামেতি, আপত্তি সঙ্ঘাদিসেসস্স। সমগ্গেন সঙ্ঘেন উক্খিত্তং ভিক্খুনিং ধম্মেন ৰিনযেন সত্থুসাসনেন অনপলোকেত্ৰা কারকসঙ্ঘং অনঞ্ঞায গণস্স ছন্দং ওসারণপচ্চযা তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। অৰস্সুতা ভিক্খুনী অৰস্সুতস্স পুরিসপুগ্গলস্স হত্থতো খাদনীযং ৰা ভোজনীযং ৰা সহত্থা পটিগ্গহেত্ৰা ভুঞ্জনপচ্চযা তিস্সো আপত্তিযো আপজ্জতি। ‘‘খাদিস্সামি ভুঞ্জিস্সামী’’তি পটিগ্গণ্হাতি, আপত্তি থুল্লচ্চযস্স; অজ্ঝোহারে অজ্ঝোহারে আপত্তি সঙ্ঘাদিসেসস্স; উদকদন্তপোনং পটিগ্গণ্হাতি, আপত্তি দুক্কটস্স। ‘‘কিং তে, অয্যে, এসো পুরিসপুগ্গলো করিস্সতি অৰস্সুতো ৰা অনৰস্সুতো ৰা, যতো ত্ৰং অনৰস্সুতা! ইঙ্ঘ, অয্যে, যং তে এসো পুরিসপুগ্গলো দেতি খাদনীযং ৰা ভোজনীযং ৰা তং ত্ৰং সহত্থা পটিগ্গহেত্ৰা খাদ ৰা ভুঞ্জ ৰা’’তি, উয্যোজনপচ্চযা তিস্সো আপত্তিযো আপজ্জতি। তস্সা ৰচনেন খাদিস্সামি ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি থুল্লচ্চযস্স; ভোজনপরিযোসানে আপত্তি সঙ্ঘাদিসেসস্স। কুপিতা ভিক্খুনী যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। কিস্মিঞ্চিদেৰ অধিকরণে পচ্চাকতা ভিক্খুনী যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। সংসট্ঠা ভিক্খুনী যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। ‘‘সংসট্ঠাৰ, অয্যে, তুম্হে ৰিহরথ, মা তুম্হে নানা ৰিহরিত্থা’’তি উয্যোজেন্তী যাৰততিযং সমনুভাসনায ন পটিনিস্সজ্জনপচ্চযা তিস্সো আপত্তিযো আপজ্জতি। ঞত্তিযা দুক্কটং; দ্ৰীহি কম্মৰাচাহি থুল্লচ্চযা; কম্মৰাচাপরিযোসানে আপত্তি সঙ্ঘাদিসেসস্স। দস সঙ্ঘাদিসেসা নিট্ঠিতা…পে॰…। (যথা হেট্ঠা তথা ৰিত্থারেতব্বা পচ্চযমেৰ নানাকরণং) দধিং ৰিঞ্ঞাপেত্ৰা ভুঞ্জনপচ্চযা কতি আপত্তিযো আপজ্জতি? দধিং ৰিঞ্ঞাপেত্ৰা ভুঞ্জনপচ্চযা দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স – দধিং ৰিঞ্ঞাপেত্ৰা ভুঞ্জনপচ্চযা ইমা দ্ৰে আপত্তিযো আপজ্জতি। কতাপত্তিৰারো নিট্ঠিতো দুতিযো। ৩. ৰিপত্তিৰারো ২৫১. কাযসংসগ্গং সাদিযনপচ্চযা আপত্তিযো চতুন্নং ৰিপত্তীনং কতি ৰিপত্তিযো ভজন্তি? কাযসংসগ্গং সাদিযনপচ্চযা আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং, সিযা আচারৰিপত্তিং…পে॰… দধিং ৰিঞ্ঞাপেত্ৰা ভুঞ্জনপচ্চযা আপত্তিযো চতুন্নং ৰিপত্তীনং কতি ৰিপত্তিযো ভজন্তি? দধিং ৰিঞ্ঞাপেত্ৰা ভুঞ্জনপচ্চযা আপত্তিযো চতুন্নং ৰিপত্তীনং একং ৰিপত্তিং ভজন্তি – আচারৰিপত্তিং। ৰিপত্তিৰারো নিট্ঠিতো ততিযো। ৪. সঙ্গহৰারো ২৫২. কাযসংসগ্গং সাদিযনপচ্চযা আপত্তিযো সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? কাযসংসগ্গং সাদিযনপচ্চযা আপত্তিযো সত্তন্নং আপত্তিক্খন্ধানং পঞ্চহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা সঙ্ঘাদিসেসাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা পাচিত্তিযাপত্তিক্খন্ধেন, সিযা দুক্কটাপত্তিক্খন্ধেন…পে॰…। দধিং ৰিঞ্ঞাপেত্ৰা ভুঞ্জনপচ্চযা আপত্তিযো সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? দধিং ৰিঞ্ঞাপেত্ৰা ভুঞ্জনপচ্চযা আপত্তিযো সত্তন্নং আপত্তিক্খন্ধানং দ্ৰীহি আপত্তিক্খন্ধেহি সঙ্গহিতা – সিযা পাটিদেসনীযাপত্তিক্খন্ধেন, সিযা দুক্কটাপত্তিক্খন্ধেন। সঙ্গহৰারো নিট্ঠিতো চতুত্থো। ৫. সমুট্ঠানৰারো ২৫৩. কাযসংসগ্গং সাদিযনপচ্চযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? কাযসংসগ্গং সাদিযনপচ্চযা আপত্তিযো ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো…পে॰…। দধিং ৰিঞ্ঞাপেত্ৰা ভুঞ্জনপচ্চযা আপত্তিযো ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? দধিং ৰিঞ্ঞাপেত্ৰা ভুঞ্জনপচ্চযা আপত্তিযো ছন্নং আপত্তিসমুট্ঠানানং চতূহি সমুট্ঠানেহি সমুট্ঠন্তি – সিযা কাযতো সমুট্ঠন্তি, ন ৰাচতো ন চিত্ততো; সিযা কাযতো চ ৰাচতো চ সমুট্ঠন্তি, ন চিত্ততো; সিযা কাযতো চ চিত্ততো চ সমুট্ঠন্তি, ন ৰাচতো; সিযা কাযতো চ ৰাচতো চ চিত্ততো চ সমুট্ঠন্তি। সমুট্ঠানৰারো নিট্ঠিতো পঞ্চমো। ৬. অধিকরণৰারো ২৫৪. কাযসংসগ্গং সাদিযনপচ্চযা আপত্তিযো চতুন্নং অধিকরণানং কতমং অধিকরণং? কাযসংসগ্গং সাদিযনপচ্চযা আপত্তিযো চতুন্নং অধিকরণানং, আপত্তাধিকরণং…পে॰…। দধিং ৰিঞ্ঞাপেত্ৰা ভুঞ্জনপচ্চযা আপত্তিযো চতুন্নং অধিকরণানং কতমং অধিকরণং? দধিং ৰিঞ্ঞাপেত্ৰা ভুঞ্জনপচ্চযা আপত্তিযো চতুন্নং অধিকরণানং – আপত্তাধিকরণং। অধিকরণৰারো নিট্ঠিতো ছট্ঠো। ৭. সমথৰারো ২৫৫. কাযসংসগ্গং সাদিযনপচ্চযা আপত্তিযো সত্তন্নং সমথানং কতিহি সমথেহি সম্মন্তি? কাযসংসগ্গং সাদিযনপচ্চযা আপত্তিযো সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ…পে॰…। দধিং ৰিঞ্ঞাপেত্ৰা ভুঞ্জনপচ্চযা আপত্তিযো সত্তন্নং সমথানং কতিহি সমথেহি সম্মন্তি? দধিং ৰিঞ্ঞাপেত্ৰা ভুঞ্জনপচ্চযা আপত্তিযো সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ। সমথৰারো নিট্ঠিতো সত্তমো। ৮. সমুচ্চযৰারো ২৫৬. কাযসংসগ্গং সাদিযনপচ্চযা কতি আপত্তিযো আপজ্জতি? কাযসংসগ্গং সাদিযনপচ্চযা পঞ্চ আপত্তিযো আপজ্জতি। অৰস্সুতা ভিক্খুনী অৰস্সুতস্স পুরিসপুগ্গলস্স অধক্খকং উব্ভজাণুমণ্ডলং গহণং সাদিযতি, আপত্তি পারাজিকস্স; ভিক্খু কাযেন কাযং আমসতি, আপত্তি সঙ্ঘাদিসেসস্স; কাযেন কাযপটিবদ্ধং আমসতি, আপত্তি থুল্লচ্চযস্স ; কাযপটিবদ্ধেন কাযপটিবদ্ধং আমসতি, আপত্তি দুক্কটস্স; অঙ্গুলিপতোদকে পাচিত্তিযং – কাযসংসগ্গং সাদিযনপচ্চযা ইমা পঞ্চ আপত্তিযো আপজ্জতি। তা আপত্তিযো চতুন্নং ৰিপত্তীনং কতি ৰিপত্তিযো ভজন্তি? সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? চতুন্নং অধিকরণানং কতমং অধিকরণং? সত্তন্নং সমথানং কতিহি সমথেহি সম্মন্তি? তা আপত্তিযো চতুন্নং ৰিপত্তীনং দ্ৰে ৰিপত্তিযো ভজন্তি – সিযা সীলৰিপত্তিং, সিযা আচারৰিপত্তিং। সত্তন্নং আপত্তিক্খন্ধানং পঞ্চহি আপত্তিক্খন্ধেহি সঙ্গহিতা – সিযা পারাজিকাপত্তিক্খন্ধেন, সিযা সঙ্ঘাদিসেসাপত্তিক্খন্ধেন, সিযা থুল্লচ্চযাপত্তিক্খন্ধেন, সিযা পাচিত্তিযাপত্তিক্খন্ধেন, সিযা দুক্কটাপত্তিক্খন্ধেন। ছন্নং আপত্তিসমুট্ঠানানং একেন সমুট্ঠানেন সমুট্ঠন্তি – কাযতো চ চিত্ততো চ সমুট্ঠন্তি, ন ৰাচতো। চতুন্নং অধিকরণানং আপত্তাধিকরণং। সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চ…পে॰…। দধিং ৰিঞ্ঞাপেত্ৰা ভুঞ্জনপচ্চযা কতি আপত্তিযো আপজ্জতি? দধিং ৰিঞ্ঞাপেত্ৰা ভুঞ্জনপচ্চযা দ্ৰে আপত্তিযো আপজ্জতি। ভুঞ্জিস্সামীতি পটিগ্গণ্হাতি, আপত্তি দুক্কটস্স; অজ্ঝোহারে অজ্ঝোহারে আপত্তি পাটিদেসনীযস্স – দধিং ৰিঞ্ঞাপেত্ৰা ভুঞ্জনপচ্চযা ইমা দ্ৰে আপত্তিযো আপজ্জতি। তা আপত্তিযো চতুন্নং ৰিপত্তীনং কতি ৰিপত্তিযো ভজন্তি? সত্তন্নং আপত্তিক্খন্ধানং কতিহি আপত্তিক্খন্ধেহি সঙ্গহিতা? ছন্নং আপত্তিসমুট্ঠানানং কতিহি সমুট্ঠানেহি সমুট্ঠন্তি? চতুন্নং অধিকরণানং কতমং অধিকরণং ? সত্তন্নং সমথানং কতিহি সমথেহি সম্মন্তি? তা আপত্তিযো চতুন্নং ৰিপত্তীনং একং ৰিপত্তিং ভজন্তি – আচারৰিপত্তিং। সত্তন্নং আপত্তিক্খন্ধানং দ্ৰীহি আপত্তিক্খন্ধেহি সঙ্গহিতা – সিযা পাটিদেসনীযাপত্তিক্খন্ধেন, সিযা দুক্কটাপত্তিক্খন্ধেন। ছন্নং আপত্তিসমুট্ঠানানং চতূহি সমুট্ঠানেহি সমুট্ঠন্তি – সিযা কাযতো সমুট্ঠন্তি, ন ৰাচতো ন চিত্ততো; সিযা কাযতো চ ৰাচতো চ সমুট্ঠন্তি, ন চিত্ততো; সিযা কাযতো চ চিত্ততো চ সমুট্ঠন্তি ন ৰাচতো; সিযা কাযতো চ ৰাচতো চ চিত্ততো চ সমুট্ঠন্তি। চতুন্নং অধিকরণানং, আপত্তাধিকরণং। সত্তন্নং সমথানং তীহি সমথেহি সম্মন্তি – সিযা সম্মুখাৰিনযেন চ পটিঞ্ঞাতকরণেন চ, সিযা সম্মুখাৰিনযেন চ তিণৰত্থারকেন চাতি। সমুচ্চযৰারো নিট্ঠিতো অট্ঠমো। [ইমস্সানন্তরং পোরাণসীহল়পোত্থকে এৰম্পি§দিস্সতি –§‘‘তেসমুদ্দানং –§কতিৰারো চ ৰিপত্তিৰারো চ, সঙ্গহৰারো চ সমুট্ঠানৰারো। অধিকরণৰারো চ সমথৰারো চ, সমুচ্চযৰারো চ ইমে সত্ত ৰারা। আদিতো পঞ্ঞত্তিৰারেন সহ অট্ঠৰারাতি’’ইতি।] অট্ঠ পচ্চযৰারা নিট্ঠিতা। ভিক্খুনীৰিভঙ্গে সোল়স মহাৰারা নিট্ঠিতা। |
Copyright © 2011 Bangladesh Buddhist. All rights reserved |