 |
৭. অধিকরণসমথা (ভিক্খুনীৰিভঙ্গো)
ইমে খো পনায্যাযো সত্ত অধিকরণসমথা ধম্মা উদ্দেসং আগচ্ছন্তি। ১২৪২. উপ্পন্নুপ্পন্নানং অধিকরণানং সমথায ৰূপসমায সম্মুখাৰিনযো দাতব্বো, সতিৰিনযো দাতব্বো, অমূল়্হৰিনযো দাতব্বো, পটিঞ্ঞায কারেতব্বং, যেভুয্যসিকা, তস্সপাপিযসিকা, তিণৰত্থারকোতি। উদ্দিট্ঠা খো, অয্যাযো, সত্ত অধিকরণসমথা ধম্মা। তত্থায্যাযো পুচ্ছামি – ‘‘কচ্চিত্থ পরিসুদ্ধা’’? দুতিযম্পি পুচ্ছামি – ‘‘কচ্চিত্থ পরিসুদ্ধা’’? ততিযম্পি পুচ্ছামি – ‘‘কচ্চিত্থ পরিসুদ্ধা’’? পরিসুদ্ধেত্থায্যাযো, তস্মা তুণ্হী, এৰমেতং ধারযামীতি। অধিকরণসমথা নিট্ঠিতা। উদ্দিট্ঠং খো, অয্যাযো, নিদানং। উদ্দিট্ঠা অট্ঠ পারাজিকা ধম্মা। উদ্দিট্ঠা সত্তরস সঙ্ঘাদিসেসা ধম্মা। উদ্দিট্ঠা তিংস নিস্সগ্গিযা পাচিত্তিযা ধম্মা। উদ্দিট্ঠা ছসট্ঠিসতা পাচিত্তিযা ধম্মা। উদ্দিট্ঠা অট্ঠ পাটিদেসনীযা ধম্মা। উদ্দিট্ঠা সেখিযা ধম্মা। উদ্দিট্ঠা সত্ত অধিকরণসমথা ধম্মা। এত্তকং তস্স ভগৰতো সুত্তাগতং সুত্তপরিযাপন্নং অন্ৰদ্ধমাসং উদ্দেসং আগচ্ছতি। তত্থ সব্বাহেৰ সমগ্গাহি সম্মোদমানাহি অৰিৰদমানাহি সিক্খিতব্বন্তি। ভিক্খুনিৰিভঙ্গো নিট্ঠিতো। পাচিত্তিযপাল়ি নিট্ঠিতা। |
Copyright © 2011 Bangladesh Buddhist. All rights reserved |
